✔ 最佳答案
你做的運動雖然種類多，但並非針對減肥。要減肥，其實離不開做帶氧運動，例如跑步，游水，向上行樓梯 (行就得了，不用跑) 等等。平均每星期三次，每次 30 分鐘或以上就可以了。當然，如果你體能上承受得都的話可做得密一點，每次做耐一點亦可以 (例如每次 45 分鐘)，最緊要量力而為。而且做帶氧運動自然會全身消脂，包括腰，肚腩，拜拜肉，修臀等等，更會令整體肌肉變的 firm 點，唔會鬆泡泡；相反，世上沒有<局部地區成減肥>，一減就必然係全身減的。
雖然你都有游水及跳舞，但我唔知有游的時間足唔足，正如上面講，一定要每次 30 分鐘以上才有效的。至於網球，壁球等，原則上都有助減肥，但成效比唔上純粹的帶氧運動的，而且亦需要做夠上述的時間。
不過，假如你現在是超磅的話，就不建議跑步了，跳繩都唔係咁安全，否則可能會令膝蓋慢性受損的。集中練向上行樓梯吧，一來唔怕傷膝蓋，二來減得更快 -- 不過亦更辛苦。
就算你唔方便出街，在家裡亦可以減肥的：搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。
另一方面，sit up 及其他重量訓練都並非用來消脂的，而係當你已經無腩的狀態下，進一步練出腹肌來，相反其消脂的功效非常低，在你減肥成功前都不需要做。
點解重點係時間呢？因為做運動時，人體燃燒的能量係有次序的：開頭數分鐘只係燃燒血醣 (來自碳水化合物和糖份)跟著十來分鐘燃燒蛋白質 (來自肉類，魚，奶等等)到 20 分鐘希至正式燃燒脂肪如果你做的帶氧運動維持時間短，根本未開始燒脂，或者只係燒助一陣就停下來，有點會有效呢？飲食方面，就算你要減肥都好，都絕對不可以用節食或減非餐單！因為你仍係發育期，一定要吸收多點碳水化合物 (飯，麵，麵包) 及蛋白質(蛋，肉，魚，奶)。前者提供能量，後者幫你發育和整體健康，缺一不可，否則會無精神，影響發育，老了更可能會骨質疏鬆，況且你唔想連該大的地方都唔大吧？你亦唔需要刻意戒口的，只要減少食油就可以，唔係話完全唔食，因為油脂都係身體必須的營養，只要少少地就得了，最緊要烹調方式清淡，盡量避免煎炸等等。
