麵粉保存問題,跪永答案呀.....

麵粉一般都唔會點樣變質的, 但係最常見既問題係生"谷牛", 你用麵粉之前一定要用個篩篩下睇下有無咩雜質或者昆蟲生左出黎, 有既就一定要丟左佢唔好用啦!
陽光照射係唔好, 用之前記得check清楚呢~

即溶酵母既樽上面會有一個到期日, 一般都係一年之內到期, 7月買的話現在正常仲係用得的!
如果想保存得好d可以將佢放入雪櫃, 可以令佢效力減得慢d

有起泡都唔會完全無效, 發不到酵原因有好多, 你整麵包當天氣溫係幾多呢? 之前有無試過成功?
加既份量、水份、方法都會導致失敗架~

落酵母水既先後次序非常緊要~ 同埋你有無用濕布/ 保鮮紙等等既野來蓋住麵糰? 溫度大約37℃同埋要濕既環境先可以發酵喔~

呢排天氣凍左, 在家中整麵包是要用比較多時間發酵的!


將麵粉/酵母放密實樽可以減少生蟲生菌既機會, 咁就可以避免浪費材料!

Sorry我不住在藍田那邊~ 以前好多超市都有賣...現在某d百佳都有, 超級廣場, 中產區的超市(例如銅鑼灣, 何文田, 中環果d), 吉之島, citysuper就有得賣獨立包裝~
不過我自己都係買普通一樽裝便宜的酵母而已~~^^

2008-12-12 23:53:04 補充：
你之前有無試過係發酵到呢? 獨立包裝其實有d係唔同用法,
你之前買果d一樽樽既係要加暖水開, 有一d獨立包裝既係叫fast-react的,
佢整既方法有d唔同, 包裝會有使用說明, 有d係就咁加落個麵糰度唔使用暖水開先架`
我估就唔關獨唔獨立包裝事啦

我自己係冬天比較凍既時候呢, 就會開著個焗爐一陣, 跟住關左佢, 係焗爐個面鋪條毛巾, 再放擺左麵糰、用保鮮紙包住左既盤(不銹鋼)上去一陣, 等佢可以暖d容易d發酵囉~

我記得好耐之前我第一次整, 麵包又係發唔酵, 係因為天氣真係太凍啦, 所以等左成3個鐘都唔係好掂!你怕浪費自己心機的話~ 再買過盒新既酵母啦, 我覺得樽裝都OK了!

2008-12-12 23:53:11 補充：
一係就材料出錯, 好似jimpwng講既過多糖同鹽份都會影響酵母發酵既情況, 會引致酵母中既水份滲透左出黎, 脫水而不能運作
另外你加暖水既時候如果溫度高於60℃亦會令酵母變質的
你搓麵粉既時間唔夠令到個麵糰起唔筋太實, 都可能會發唔酵架~

麵粉同酵母個包裝實有出廠同到期日, 你點會唔知有冇過期架? 把麵粉放在陽光下照射很久,這樣是不會有太大影響, 因為麵粉是半製造成品, 是經過提煉質量比較隱定, 麵粉同酵母最大影響係潮濕即係水份, 首先講酵母, 酵母其實是细菌苞子, 當酵母一遇到水就會馬上生長繁殖, 在繁殖過程中會放出大量二氧化碳, 就係這些大量二氧化碳氣泡令麵團鬆軟, 另外温度對酵母的發酵過程係有影響, 愈高温愈快, 而酵母在乾燥冇水時候, 就算遇到高温都仍然處於休眠狀態, 但太高溫亦會殺死酵母, 而麵粉遇到水就會結合釋出蛋白質變成麵團, 如果你用完麵粉同酵母之後, 好好保存乾燥同密實樽裏, 同時避免酵母與陽光直接接觸, 因太高溫和紫外線會殺死酵母菌, 好好保存就算過了包裝出廠到期日半年, 應該冇問題.
你之前整麵包的時候, 用暖水開酵素, 明明有起泡,但是出來的結果有時發不到酵.....可能酵母份量不足, 又彧者打麵團打得太耐令酵死亡, 又可能麵團落鹽太多, 因鹽可以殺死酵母, 又可能麵團在發酵時, 冇將麵團放係溫暖陰暗潮濕地方, 太多可能不能一一回答. 對不起最後問題真係唔知, 幫你唔到.