2x4吋木方承托能力

如果第二個人問我，我實會話﹕係人都知道習側既承托力好啦 (即係4吋高;2吋闊好力d )，你當我傻既咩！你有冇見過表演空手道既人將舊磚習側嚟劈吖？冇吖嘛？

不過你問咯喎.....一定冇咁順攤既.....如果真係咁簡單既，就唔會係你發既問題，因為你唔係一個頭腦簡單既人﹔頭腦簡單既人係整唔到咁靚既blog既，就算請槍，可以請到個高手幫自己搞到咁靚都唔係頭腦簡單既人容易做得到既事，因為個blog手見你頭腦簡單會求求其其交行貨。你唔見人哋 d blog有咁靚？


所以，可能有景轟(轟和景一樣，讀廣東話第二聲)。


不過就算你set個陷阱俾我踩，我都迫唔到自己答你﹔話木方瞓扁，即係2吋高4吋闊好力d，因為我試過好多次，兩隻手各握住一條三四呎長既木方頭尾兩端，用膝頭哥頂住木方中間嚟拗，次次都係要頂住扁既一面先拗得斷，習側拗係永遠拗唔斷既！


所以，死就死啦！


正式答案係---4吋高2吋闊承托力好d！

至於你問其所以然咯喎，由於我自幼家貧書少讀，呢d力學理論我唔可以好精確咁以力學專家既口吻去解釋。我交番個波俾你，等你自己答餐死好過。

2008-12-18 14:43:46 補充：
答你d問題要好似同人打仗咁，扯緊哂全身既神經﹔眼觀四面﹔耳聽八方﹔步步為營。

你d分真係唔易賺。