發現個女瞞著我拍拖應該點？

我都覺得, 千祈唔好試佢, 睇下佢肯唔肯同你講真話之類
任何關係都要坦白、真心
你真係好想知, 就直接問: 你係咪拍拖呀?
唔好講到好似好大件事, 如果呀女死口否認, 你可以講出你認為佢拍拖的原因,
但唔係好似律師咁搬晒d證據、證人出黎呀!
注意語氣, 唔好迫佢, 表示其實你都係想知道下, 見下對方當識下呀女的同學仔

我做人呀女, 覺得最唔想父母知係因為覺得父母一定反對
我會建議你唔好俾佢覺得你就係咩都反對
同時要佢覺得, 你的心態已經ready去一齊傾下呢件事
因為你只講佢「死口否認」, 我唔清楚佢的反抗性有幾大
如果做左反效果就唔好

另一方面你可以諗下身邊熟悉呀女、同阿女關係好的人成為你的支援
學校老師、社工、同學仔... 當然仲有internet! 都可以幫到你去了解同接受呀女的情況

仲有就係, 我諗你自己的個人立場都好重要
我明白你好擔心
但其實, 你反唔反對呀女拍拖呀?
會唔會係基於一d條件下, 你就會唔反對?
你對呀女拍拖, 心裏有咩感受?

花d時間去諗下呢d問題, 唔好立場搖擺,
亦不要吝嗇去同呀女分享
(我知好難, 但事實上有好多分法俾佢知道你關心佢呀!)

我覺得你都係唔好再問佢係米拍拖之類~
你只要同佢講要小心，唔好咁早有性行為之類~就足夠，當然要密切留意佢la~
其實個D說話唔好成日提住，有意冇意之間講一兩句好了~

你依家第1件事要做既就係檢討下你自己,問下你自己點解佢要唔俾你知!!成日認為D仔女係自己既附屬品係絕大部份既所謂『成年人』既以『大』欺『小』心態,唔尊重人又要人地聽哂你地話,做人父母既就好好檢討下自己先出聲.

004: girl715girl真係講得好0岩,達至社工專業水平,相信會做到好好既媽咪.其他D答案我都冇眼睇....

明白做父親的煩惱
因為我都係爸爸
時代已經轉變
很多年輕一代
對愛情抱著人有我有
他們覺得身邊的同學個個有拍拖
自己冇就會覺得冇面
你嘗試跟她傾這問題
不過千萬不要 "發火"
如果她知道你容易有 "怒氣"
就不能望她向你傾訴
你先向她表達對她的愛和關懷
擔心給被人欺騙
所以想知道對方的情況

002講得岩,最好搵老師/社工幫手.
不過千奇唔好比你個女知.
亦都要個老師唔好單獨同你個女講,你個女會反感加,一定會覺得係你叫老師去搵佢,佢會覺得無面的.所以最好叫個老師用一,兩堂課去教你個女(全班一齊聽).當然,你個女也有可能只是喺電話玩玩吓.所以唔好同個老師講你個女如個男仔講D有關性既野,你最好搵個原因去叫老師幫手.如:我個女無咩性知識,而E+又係年青人,我怕佢會做出一D唔岩既事,所以希望你在我啊女未做出唔岩既事之前,用1,2堂課同佢講吓有關呢D野既知識.......
或你有無D親人(大人)同你個女好好關係加??
有個話可以叫佢幫手啊嘛,當然都係叫佢唔好咁直接講啦,要間接地帶出個知識

希望
你個女講既野係假加啦!!
仲有希望你同個女既感情有所改善
多D同你個女傾計!!

時代唔同了.
拍拖係好正常既事,
你越管制佢只會更菅得其反,
到不如接受佢,
叫佢有男友帶出來一齊食飯,
至小你可以知道佢同咩人一齊,
而佢又好樂意告訴你佢地既事,
總好過佢收埋唔敢比你知,
發生咩事都唔知!
你只要附帶一句,
唔好亂發生關係就可以,
而家d年青人已經唔同以前,
你見過, 認識過佢男朋友,
都仲可以幫到佢!
有時開通d, 關係會好d

2008-12-05 14:35:37 補充：
最緊要唔好check佢,
因為佢都有私隱!
接受仍地一齊,
等佢自願講你知..

其實你應該同個女建立良好既關係,告訴女兒你唔反對佢拍拖,約佢男朋友多d見面,令大家有朋友既關係,再慢慢教育佢地,另一方面,你可以搵學校既老師同社工幫手,佢地會比較識得處理同會教你點做,我明白你始終係男性,好難同到個女溝通,因我都是單親,你千萬唔好擺出爸爸既姿態去反對,好多時係因為你女兒和你關係而影響佢拍拖與否,你還是盡快搵社工幫忙吧!記得要與女兒建立朋友關係呀!

If I were you, 1) I will try to get help from her school. 2) I will spare more time on her and make a good communication with her. 3) Contact her best friend and seek for their help. 4) Finally, I will pray for her and hope she can focus on studying at this golden moment.