✔ 最佳答案
得20日人仔係唔可以食珍珠末架，起碼要有六個月先食得
其實BB頭果兩個月夜晚喊都算正常既，佢未識應呢個世界丫嘛
另外，BB係夜晚喊好多時都係環境問題。因為BB係媽媽個肚入面，十個月都係黑媽媽既，根本就冇日頭同夜晚之分。而且係媽媽肚入面，每分每秒都會聽到媽媽既心跳聲同係水入面既聲音，即係話基本上佢果十個月都冇一刻係寧靜既
但到佢黎到呢個世界，日頭就可能有人聲或者其他雜音，咁會比較習慣。到左夜晚，尤其係到訓覺既時候，好多人都諗住比個靜D既環境比BB訓，但係咁就令到BB唔習慣喇
所以你可以嘗試係佢差唔多要訓既時候，放D柔和既音樂比佢聽，一來可以令佢平靜D，二來亦可以有D聲音唔會太靜。不過就有機會會令佢習慣有音樂先訓到覺
另外如果佢到想訓覺既時候會喊到條腰伸直晒，甚至拗去後面，好有可能其實佢係好眼訓既。不過佢知道合埋眼就望唔到佢認為呢個世界得意既地方，所以就併命睜大眼睛。但係其實佢實在又真係好眼訓，係兩難共存既爭扎下，佢唯有用喊黎表達囉
好多BB都會有呢個情況，有D就會大個小小先發生，有D好細個就會咁樣
而且老人家亦有講過BB有百日哭呢回事既，即係話初生BB出世頭一百日都會喊，尤其係夜晚，有DBB係要個大人抱住佢由屋頭行到屋尾、再由屋尾行番去屋頭，其間仲要久唔久搖下佢，咁先會靜靜地。若果個大人一坐低，BB就會即刻喊架喇
不過呢D情況多數都會慢慢隨住BB長大而改善，所以就算你咩都唔做，到佢大個D都唔會再咁喊架喇
湊BB係要好多耐性架~加油呀，媽媽！
參考: 自己
你個BB有冇平時食奶好易嘔好架?佢喊醒你有冇試過唔抱佢,然後觀察佢會唔會喊到好似蝦米咁彎起上黎?我個B一個月大時,成日夜晚係咁,我驚,咪帶佢去睇兒科醫生囉,如果你要睇,都要睇兒科,因為普通科冇用架,好似我做護士,我都唔係好識照顧BB,浸會個兒科馬醫生好好架,佢都話我個仔胃氣脹,因為食奶,同消化係統未成熟,加上賁門暫時關得唔係咁好,佢開左D化胃氣藥,叫做有D改善
但唔到你唔信中國D古方,因冇幾耐,我請左個香港師奶幫我照顧BB,佢一見我個仔,就話佢咀邊好藍,(但係我又見唔到佢所謂既藍),佢話BB好多風,即刻囉D油,初熱隻手,同BB捽肚,講你都唔信,BB即刻好enjoy咁咕咕聲
跟住佢仲每日煮隻雞蛋,唔要蛋黃,入面放個銀(要純銀),同佢捽肚,真係嘔奶既情況減輕不少,而且每次個銀都變點,要用洗銀水洗番先得
至於你話食珍珠末,我果時都有諗,不過你知而家大陸D假野多到你唔信,就算真係珍珠,你知沿海重金屬污染幾勁,BB仲咁細,都係遲D先試,我果時都有去余仁生問過,佢為左做生意,實話得架,我再問中醫,中醫都話咁細唔好食住
仲有,你有冇留意BB有冇特定幾多點喊?喊幾耐呀?
2008-12-09 10:35:33 補充：
唔好意思,咁遲再和你聯絡,因不在港
我都同意每個BB都有不同的習慣,可能喊都冇特別問題,但做亞媽緊係擔心架,而且喊成晚,成家人都冇得睡啦
第一,如果係我,點都去睇吓醫生,而且,你BB就快一個月,應該去母嬰健康院檢查及打針,順便問吓醫生,就算未到期檢查,都可以提早覆診
第二,我冇宗教,以前亦唔迷信,不過為個BB好,咩都會去做,咁細個唔感亂食中藥,可以帶D嘢在身上,例如古玉,老人家話定驚嗎
