我想知我老公係咪同左第二個一齊

003 & 004 都講得好清楚, 唔好理佢有無第二個, 你問你自己當日點解搬走? 因為佢打你囉! 而你搬走佢有無留你呀? 有沒有say sorry? 你又有沒有想過佢點諗? 你自己走咗亦即你放棄佢, 放棄這個家, 甚至佢會唔會諗你同第二個一齊咗呢? 如果佢係咁諗你都唔怪得佢, 因為你先離開, 雖然佢打你係一定不對, 但你搬走就等於唔要佢, 係兩樣嘢.
既然這個打老婆的老公不值得要, 你又何解要理會佢有沒有第二個? 知道有你會開心嗎? 無你又會同佢一齊嗎? 如果係後者, 你錯就錯在搬走, 自己攪到無回頭路. 如果你自己認為佢都唔要得啦! 佢同邊個一齊關你咩事, 反正都要離婚啦!
如果第二個女人條件比你好, 你會開心嗎? 如果比你差, 你又會開心嗎? 比你好, 或者你有小小妒忌和唔甘心; 如果比你差, 你咪一樣嬲覺得你老公選個差個你, 係咪! 其實END UP 你應該抱一個心態, 為個女人祈禱, 因為個老公會打老婆的. 所以你根本無須同第二個女人比, 除非你想要返你老公, 但看你又唔似想回頭, 既然係咁, 就算吧!
現在你應該向前望, 整靚自己, 找個比你老公好的男人, 才算對得住自己, 就算將來踫面, 你還是可以理直氣壯的話比所有人知, 你離開佢後有幾好...
GOOD LUCK!　

跟本你仲鐘意你老公,如果唔係佢叫你離婚金咪離囉
愛一個人唔會打果個人,如果你唔想佢地一齊金開心既
你可以申請,要求佢離婚之後每個月比生活費你
金講真,你老公到時都會無咩錢架啦
果個女人仲點會痴埋一個無錢照顧到佢既男人

妳應該報警告佢家庭暴力,等佢以後都唔可以打妳或任何其他女性.不過點都好,佢唔值得妳再去關心,忘記D賤禽獸啦.

你兩個都有D行為不當
一個出手
一個多手
從上文內容
你兩心已分離
你還愛他嗎?
如果不愛
他有冇第三者又點呢?

我覺得,
如果你接受唔到佢打你,
你決心跟佢離婚,
你又何需去理會佢有冇第2個,
如果係我,
佢有第2個我會成全佢,
不幸唔會再發生係自己身上,
自己脫身唔再受佢虐待,
這種人...即使再跟別人相戀,
都只會帶給別人不幸,
你又何必為佢操心!
如果佢既性情唔改,
都只會令人痛苦,
應該慶幸未來痛苦既唔再係自己,
對嘛!

2008-12-05 11:26:55 補充：
不論發生咩事都唔應該打女人,

你老公是個危險人物，真係生人勿近，千其唔好返去！

分析：

1. 不論咩原因，男人打女人一定唔可以饒恕，打得你一次，一定有第二次，佢有暴力傾向，千其唔好心軟。

2. 就算你有別的追求者，佢都唔應該用打人解決，咁唔文明，佢係愛你就唔應該傷害妳。所以，結論係，佢已經唔愛你，想揾藉口趕走妳，打你嚇走妳，事後還同妳有聯絡係想說服妳同佢離婚。

3. 一個男人講到出面有第二個，咁肯定妳已經成為歷史，趕快離婚唔好比佢拖累，如果唔係，等佢個第二個唔要佢的時候，佢想起還有妳可以比佢折磨，咁你下半世就苦過DD！

Take care.

點解佢要打你呀..咩原因先僧打你wo..你去溝佐第2個呢..唔知嫁

可能係呀...你自己小心啦=]新婚?