急急......有關婦科問題請教大家

我做女果陣(未生BB之前)都試過經期同經期之間有不正常出血，持續左三個月都係咁，因為我每一次都已為下一次唔會，到了第三次去睇婦科醫生照超聲波，睇到幾個約1.5-3cm的泡泡在子宮內，我個醫生話好多女仔都有，亦無俾藥我食，無幾耐D不正常出血都無左，我又無理佢。
約一年半後生左BB，有一次唔記得咩原因(婦科問題，好似肚痛流血)入左急症室，婦科醫生同我照陰道超聲波，我同佢講之前照過超聲波發現子宮裏面有幾個泡泡，佢反而有D緊張會否有其它問題，但照完陰道超聲波之後發現唔到D泡泡，一個都無，個女醫生仲同我講：妳話子宮裏面有泡泡會嚇親人架，因可大可小，而家乜都無，下次唔好講喇！
之後我問返我個醫生點解D泡泡無晒，佢都係咁答：好多女仔都有，有D生完BB就無晒架喇！

經期同經期之間流血係唔正常既，妳甚至有血塊流出。每個人情況都未必一樣，我係咁但或者妳係第二樣野，所以妳都知要去睇婦科，等醫生診斷。
我就唔識介紹婦科醫生既，但妳可以好似我咁入急症室，會有婦科醫生同妳做詳細檢查，如果有其它症都有多D儀器 check 丫嘛，一條龍服務，第日又有得安排覆診，妳可考慮下~~

快快快快快快快ｄ睇醫生同做子宮頸細胞檢驗~最好去家計會做~因為有可能係子宮頸癌或入面傷左