之前都有跟男生拍下拖咁
但近1-2個月我發現自己對認識男生沒有了興趣
也不想跟朋友討論男生的話題
近呢個月認識了幾個女生，
其中有一個唔知點解我總覺得她很"靚仔"，
很喜歡跟她談話，想約佢去街，
因為出席某些學校活動就會見到佢，
見到佢既時候，總唔敢正面望住佢，
好驚~心跳好快，
同成班朋友同埋佢一齊傾計，我總係好緊張
有時見到佢迎面行緊過黎，我就會立即轉身，
因為唔知講咩好
可能她的外表有些男生FEEL
但肯定係女生
間唔中都會出現女仔貪靚的一面
但是不是TB 我就唔知~
因為佢地成班女仔D行為和說話方式都好曖昧=-=~
感覺似係又唔係咁...
但有個女仔朋友同我講~
話佢(我喜歡的女生)唔係TB，只是行為和外表有些男生FEEL...
其實她都好女仔的。
近日有個朋友同我講在以下對話
友:喂！XXX問我你係咪唔鐘意佢呀
我:(差點會錯意)下！唔係呀，做咩咁問
友:佢話有時見到你想同你打招呼，你就掉頭走左去，又唔點同佢傾計
我:係咩？咁岩姐，唔係呀我都有同佢講野
友:一句起兩句止
我:唔係太熟MA~
友:佢叫我問下你下次活動肯唔肯同佢一組，佢話想同你一組
我:(忍住開心)下，唔係掛，我驚唔夾啵
友:OK既，佢份人好好，唔會有問題
有問題的是我，點算呀？好開心，但又好緊張呀！
好想同朋友講，但又唔講得
我記得對上一次有呢份心情既時候係，是認識前男友=-=
她主動要求同我一組...點算？
唉~我真係唔知點算好呀>.<好煩呀！
點解突然會咁架
更新1:
已經答應左同佢一組，而且仲係我親口去同佢講 總覺得咁做會好d，見佢好似好開心咁笑住話 "我仲以為你唔鐘意同我做朋友"
更新2:
今日同佢一齊去傾活動d野，我好努力咁控制自己 開頭個時都係圍住活動內容傾， 之後食野個時就開始有d個人話題， 知道左原來佢之前有玩過cosplay， 主要都是cosplay d男角色，所以有d男生feel 但依家少玩左，因為要讀書 發現我地有共同話題~就是漫畫 我都有睇一些漫畫，傾傾下先發現佢都幾多野講
更新3:
之後突然有個人(朋友A)係後面攬住佢叫佢"靚仔" 係我地d既朋友~但同佢熟d 後來我問佢點解(朋友A)會叫你"靚仔" 佢解釋話以前都有同(朋友A)cosplay過， 係cosplay情侶角色，所以咁... 唔講真係以為佢地係情侶=-=
更新4:
發現佢笑既時候好吸引，忍唔住呆望>.