✔ 最佳答案
我之前去過劍橋同埋牛津，依兩個地方都係金三角帶的其中兩個，金三角是指劍橋、牛津同埋倫敦。在這金三角帶的英語口音是最純正的，其它地方如曼徹斯特等都會有啲啲地方口音。
如果你想睇多啲景，又想經歷一下文化歷史，更想專心一點讀書的話，我建議你去劍橋或牛津，相反，如果你想生活多姿多采的話，你可以選擇倫敦。(不過，劍橋<-->倫敦大約兩小時車程，車費約7-8鎊)這三個地方的消費，以劍橋和倫敦最高，你預HK$30-40一餐，例如你在劍橋的down town 買一隻熱狗，是1.75-2鎊，在車仔檔買一個kebab是4-5鎊。
如果你帶HK$5000，乜都唔買，乜都唔玩，淨係俾午餐同埋交通費(我無記錯的話，寄住家庭會提供早、晚餐，而通常啲學校話寄住家庭好近學校，其實都係呃你，通常你都要搭巴士返學或租單車)都可能夠，但如果你要去玩，仲要去london eye、參觀博物館，都可能「蚊」啲啲。因為london eye 都幾貴，好似要成hk$400一次(唔知有冇加價)，至於博物館，大英好似星期二係free，平日都係收幾鎊。
我中五時參加過一次維期兩星期的遊學團，除卻了學費同埋其它雜費，我都用了萬幾蚊(因為我買了好多書同埋要俾交通費)，至於前兩年我去了劍橋讀學年制課程，平均每月的消費是350-500鎊(好慳嗰種)。
希望會幫到你﹗
2008-12-10 13:23:43 補充：
其實大部份英國人都ok友善，不過歧視都係常見的事，我試過係一間酒bar 俾啲服務員歧視。如果你問路，都會有人樂意回答你問題﹗初時我啲英文都唔係咁好，不過你同人溝通時保持基本禮貌，都應該無問題，但你一定一定要記得，英國人好著重禮儀，所謂禮多人不怪，你最好每次問人路或有要求時，都記得講個 ”Please” 字，如果你唔記得講，佢可能會當面話你ｏ架﹗
2008-12-10 13:23:52 補充：
如果你住London，你可以買一張叫Oyster card的英國八達通，佢搭車會有優惠，但我唔係好記得個優惠係點，好似係有每日最高消費，當你扣過那個額，就唔會改扣錢（當日）。張card 你可以係車站到買，你行去客戶服務到問Can I have an Oyster card please? 佢就會問你要入幾多錢，你可以入五鎊／十鎊或二十鎊。如果你要入錢，你可以去counter 到話"top up please".
2008-12-10 13:23:59 補充：
我諗一個月有６００鎊應該都夠，你可以去supermarket買定啲午餐，平價ｏ既supermarket 有Sainsbury 同埋Tesco，兩間都會係ｌｏｎｄｏｎ搵到，我記得Queen Station有一間Sainsbury。唔好以為快餐店一定會好平，係英國啲快餐店係超貴﹗特別係M記，ｋｆｃ同ｂｕｒｇｅｒｋｉｎｇ都會好少少，但味道就見人見志啦﹗最平係Subway，佢每日都有一款Sub of the day，只係１．９９鎊，你可以考慮依啲作午餐。只要唔係太大駛，我相信６００鎊都ｏｋ﹗
2008-12-10 13:24:03 補充：
你係咪跟EF 去呀？如果係，記得到步後，你要再俾材料費，因為佢學費係唔包書ｏ架﹗我嗰時一去到俾咗成百幾鎊材料費，攪到我失曬預算﹗你上一個月，應該俾二十鎊到．．．我唔知實數係幾多，但你最好有心理預備囉﹗
