BB轉奶粉的問題

我自己對明治同S26既奶粉都冇咩研究，不過就有小小分享
其實你B三個月有12磅都唔算輕丫，係正常範圍入面架，所以你都唔需要特登谷肥佢。加上佢如果係細B既話，你點谷佢都唔會點肥。只要佢發展正常，機能發展得好，正常範圍內既體重都已經足夠架喇
另外BB面仔起紅粒粒，除左有機會係奶蘚之外，都有機會係敏感，或者支CREAM唔岩佢用，甚至D奶粉唔岩佢飲，都有機會起粒粒架
若果只係奶蘚，照計就唔應該搽完藥又起過既，除非你冇幫佢抹乾淨架姐，否則應該唔會長期都有既
搽既CREAM太油或者太多香味，都有機會令BB既面仔敏感起粒粒，可以試下換過第二支，睇下仲有冇咁既情況。而且每次搽CREAM前都一定要用水清潔左皮膚先，否則你就會係搽CREAM既時候，將D污衊物被D CREAM封住係皮膚到，反而仲會對皮膚更差架
奶粉既話，若果唔岩BB食，可以係BB係大便到睇得出既，若果BB大便唔暢通，或者D便便唔正常，咁就有機會係奶粉問題
最後仲有一樣，就係BB身體內既胎毒，有部份既BB會係出世後幾日排D深綠色的胎便，唔好以為排左出黎就冇晒胎毒喇，因為有D胎毒排唔晒出黎係會以出粒粒既方式谷出黎，就正如大人出暗瘡/青春痘一樣道理。
若果係呢個原因，你可以完全唔需要搽任何藥膏，佢排晒身體內既胎毒就自然唔會再有粒粒出架喇。只要經常保持清潔乾爽，早晚同每次洗面後都搽番簿簿一層既CREAM就OK架喇
不過若果佢長期都係咁，完全冇退既跡象，你就最好搵過第二個兒科/皮膚科醫生，睇下會唔會係有敏感其他野先引致到佢出粒粒~

我大女果時都係好輕,之後轉食S26點知呵粒粒屎,最後聽人講轉食"能恩"無咁熱氣!細佬就直接由人奶轉食S26佢又無問題波.證明個個體質吾同!

不過雖然佢食到好大隻,但大大下而家5歲啦,比起食人奶大的細粒表妹身高都吾差好遠,所以都證明以後成長的營養都好重要.

另;我果時仔仔都有濕疹,不止生粒粒手臂同大脾摺位都有紅疹,你留意下BB有無,我果時睇醫生(5年前)巳經有不含類固醇的藥,你試下問其他醫生,我是在旺角中心的私人兒科診所睇醫生o架!

紅色粒粒可能係奶癬，好多BB都有，叫醫生比藥BB塗好快有改善。食開嘅奶粉如果無特別原因就不要轉，如肚瀉、敏感等，怕佢唔適應飲得仲小，BB知道自己要飲幾多,夠佢會停，你迫佢飲多啲無錯係肥肥哋好得意，但過肥會為佢將來的飲食習慣堆下不良的伏綫。