想問初學急救的幾個問題

1/ 無論讀咩都要讀左基礎急救先（成人急救）。有d人覺得醫療輔助隊（AMS）會包含多d內容，但係相對上較貴同較易肥人。再讀上去有ST JOHN既院前創傷生命救援術證書課程 (PHTLS)之類既課程，但係要再進一步，除非係參加救傷隊或者係做救護員或者係醫護人員，否則一般人要進修急救係冇咩門路。

2/ 其實急救員冇話咩法唔法定，只要識就可以救，但係如果你識而係合格既急救員，一但你插手開始急救，你就應該做到一個急救員應該有既standard。不過只要盡左力做左你應該做既野，就算唔好彩救唔到人，你都唔會有法律負任。

3/ 如果你指既係「認可急救員」既資格係用黎搵工呀做地盤工廠勞工處要求要有個d，咁答案係yes。但係如果只係學左咁都係學左唔會唔記得，不過renew可以幫你update番d最新既急救知識，比如係AHA（美國心臟協會）05年又改左CPR guideline之類。

2008-12-10 20:40:53 補充：
owlsun既答案都好有參考價值，值得參詳。