✔ 最佳答案
若果你係中環番工，一係就搵番中環或者香港區，不過租金就一定會貴D架喇，我就建議你可以試下搵紅磡/土瓜灣區，一來交通方便 (除左冇地鐵) 好多車都好快去到中環，二來呢區D租會平D (哈哈，因為我都住呢區) 慳車錢之餘仲慳時間
不過BUDGET方面，你就要一定預左頭一兩月既支出一定好大，因為你要比按金同上期，又要添置傢俱同日用品，起碼要有一萬蚊先夠架
之後既日子就要睇你自己喇，一日三餐都出街食既，屋企就唔使太多煮食用品，不過就要自己計番食飯錢喇。其他日用品既話，你一個人都唔會用得多，平均一個月百幾蚊都足夠。
水電費就要睇你點用喇，而家我住果到電就一蚊度、水就七蚊度，一家三口岩岩呢個月用百幾度電、兩度水，加埋都係二百蚊到。你得一個人仲要日日番工，除非你一番到屋企就開晒D電器仲要開通宵啦，否則一百多D都夠晒比水電
睇樓最好就睇清楚D天花有冇流水既跡，有既話即係到落雨果時會流水，咁就好麻煩架喇，尤其係近天台既層數同唐樓。睇岩既話就唔好怕煩，日頭睇一次，夜晚再睇一次，因為好多時日頭同夜晚係兩回事架
到真係租左果時，記得一定要換門鎖，以免有人拎住條匙開你門口丫嘛
仲有提埋你，若果係經地產搵既，可以試下同地產果邊講下有冇得平D傭金，講到自己慘D，通常都會平到幾百。真係唔好睇小果幾百呀，可以買到幾個月既日用品架喇~
其實出黎租屋真係好多學問，一時間都諗唔起咁多，若果有需要或者再有問題，都可以問下我架~
參考: 自己
$2,500至3,000最多只能够租一D所謂<套房>, 即係原來一個單位間開成幾個套房, 我未租過, 唔知有冇自己厠所, 睇怕都係冇嘅多, 我諗$2,500樓下更難揾, 就算有環境都唔會好, 唔好以為租村屋會好平, 因為每層單位有成700呎, 就算去到新界一D交通唔方便嘅地方都要五六千蚊, 我有個朋友曾租過一間一開二嘅村屋, 租當然平D, 但呢種村屋單位非常非常少有. 所以單單就屋租嚟講你的budget就己經唔够, 另外揾屋時要問租金係咪已包埋管理費同差餉, 普通大厦管理費都要幾百蚊一個月. 就算你揾到啱心水同啱budget的, 也要預最少3個月的租金(兩個月按金一個月上期), 如果你budget緊這也是一個大問題.
另外九成九的出租房屋都唔會有傢俬, 雪柜, 厨房用具及杯碗碟等就更不用說了, 就算你唔煮食, 都要有地方放衫, 有床瞓啩, 現列出一些要添置的物品, 供你参考:
1. 唔買床只買床褥一張, 可以平平哋2吋厚海棉床褥, 唔肯定幾錢, 我諗200蚊樓下.
2. 枕頭, 被, 床單等等最少800至1,000蚊(床單被套等因要替換清洗, 所以不能只買一套).
3. 唔買衣柜, 用膠衣箱, 每個由50至百零蚊不等.
4. 雪柜仔一個約1,000蚊.
5. 微波爐一個約500蚊.
6. 少量食具及裝食具膠箱一個, 約150蚊.
7. 窗簾, 幾百蚊起, 視乎你想去邊度買同有幾多窗.
8. 電視??? 其實到咗而家電視已經算係必需品, 所以都不能不預錢買TV.
9. 熨斗及熨板平嘅約共二百零至三百蚊.
10. 風筒? (約百零蚊)
11. 電風扇約150蚊, 因為就算間屋有裝冷氣都未必會成日開.
12. 電水煲或電熱水壺最平約二百零蚊.
13. 再預多幾百蚊買D濕碎嘢同日用品.
另外每月開支如下:
1. 磅洗約百零蚊(每月, 下同).
2. 電費冬天約百零蚊, 夏天如開冷氣就要起碼三百幾蚊.
3. 早餐食麫包或三文治飲清水每次約5至12蚊, 午餐晚餐食慳D各約30至40蚊, 中位價計每月伙食約要二千零蚊.
4. 水費, 一個人低用量, 唔使比.
我能够諗到嘅暫時就係咁上下, 其實其中好多支出係無論一個人或四個人住都差不多的, 所以如果你每個月入息唔够一萬蚊要搬開自己住其實有D困難, 雖然理論上都得, 但你要使一毫子都要算過度過, 所以一定要諗清楚計劃清楚至好呀!
參考: Myself
首先要睇下你想住咩區,你係中環返工,我唸你多數想住港島區ga la^_^如果想平d租,你可以睇下,中西區/正街/西邊街/屈地街個頭,(cos個度相對比較平d同會多d唐樓而且近你返工)不過以你個budget就要自己耐心d搵多幾間!
注意的地方:
1.你睇樓時可以睇下個業主個人(e.g.比較除和,定好計個d)到時間屋有咩事會易講d^_^
2.問清楚水,電,煤個d佢點計!
3.租之前check下d野work唔work
每個月開支: 一個人住會貴d ga la! 水,電,煤,個d其實一個人同兩個人都差唔多(so最好搵多個fd同你住,d開支除二就差好遠low)而且有咩事可以有照應!
p.s.(搬出黎住其實好多野煩~由其係一年後佢加租,真係頭都痛)
參考: 自己
