點先可以搬重野搬得時間長D?

要練好身體，離不開三件事：1 運動，2 營養，3 休息。

初步最優先是增強心肺功能，否則搬野一陣就會唔夠氣唔夠力了：
最基本的，就是做帶氧運動，例如緩步跑，游水，向上行樓梯，打籃球等等，每週三次，每次 30 分鐘或以上 (不是每樣都做三次，而是隨意配搭，三樣合計每星期三次就得)。

其實游水就最適合你了，已經可以均勻地鍛鍊全身，又有點 shape，而且亦鍛鍊心肺機能同強化骨骼。

就算唔方便出街，一樣可以做帶氧運動的。
跳繩：呢個係最簡單的，家裡跳繩唔需要著鞋了，免得嘈到樓下，不過都要舖塊墊 (運動用品店有，再唔係用小朋友的膠墊亦可)，吸收震盪，避免腿部的傷害。向上行樓梯：慢慢行就得，不需要跑的，最好隨身帶一枝水。踏步：找一張穩固的矮凳，不停踏上踏落，不用夾，慢慢做，留意係<向前踏上，向後踏落>。以上三個係每星期三次，每次 30 分鐘或以上 (不是每樣都做三次，而是隨意配搭，三樣合計每星期三次就得)，收緊臀部和大腿 (唔怕你兩個地方鬆泡泡)，而且增強心肺功能。想強化肌肉，有以下選擇：掌上壓：最基本的，不詳細講，此動作強化胸肌及三頭肌。<痞>低起身：好簡單，<痞>低後再起身，動作要慢，唔好急，能夠強化大腿和臀部肌肉，呢個亦好重要，因為搬野時好大機會要<痞>低起身的。
腕力：呢個部份對搬重野好重要，鍛鍊方法係雙手向前伸直，然後用力地張開手掌，用力收埋，再張開，重覆 100 次，每日兩次，可以係 <辦大事> 時做。以上都係簡單的運動，又唔會好花時間，已經足夠令你健康和 fit 了。

休息方面，點都要幫自己安排每天 8 小時睡眠，而且要定時定候上床/起身。

飲食方面，必須多食碳水化合物和合蛋白質，呢兩樣野都對增重同增肌都非常重要。碳水化合物合提供能量，而蛋白質係製造肌肉的重要成份，兩者缺一不可。蛋白質：肉，魚，奶，蛋碳水化合物：飯，麵，麵包
詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx