關於初生嬰兒生活習慣問題

1) BB有肚風最主要就係因為佢啜奶果時有空氣係咀角入到去，落到個肚到就變成肚風。但係BB又唔識UR番出黎，所以先會積係到。碌雞蛋就幾大都可以碌，不過佢一個月都未夠，有機會係一放隻蛋係佢肚上面就已經喊架喇，加上而家天氣咁凍，若果真係要碌雞蛋就要好小心喇，以免驅唔成風仲要冷親個肚仔
2) 除左碌雞蛋，仲可以滴兩滴生油 (即係煮送既油) 係你既手掌心到，雙手捽到慶為止，再即刻谷係BB肚上面，D熱氣就會有助BB驅風架喇。記住唔好用白花油同萬甘油，呢D會傷到BB既皮膚架
3) 若果BB有肚風，佢會唔想飲奶既，(厭奶期除外)，有DBB會多左放屁，有D未識得放屁既就會喊，而且個肚仔會有小小涼涼地既。 有老人家話你將耳仔貼近去BB個肚到，會聽到咕咕聲既風聲，咁就係有風，不過我就未試過，請自行衡量岩唔岩喇
另外我唔知你係問BB幾大先有肚風，定係幾大個肚先有肚風。BB幾大就冇定既，若果佢識用放屁黎走咁d肚風既，咁就唔使成日驅風。但係若果未識或者真係岩岩出世冇耐，咁就有機會好快有肚風。不過多數媽媽都會到bb唔多肯飲奶既時候先會驅風，但若果你驚住佢會有肚風而唔肯飲奶就喊既，咁你就唔使理佢幾時有肚風，定期一星期同佢驅一次，咁就一定唔會多風啦
4) 你BB得20日人仔，冇啦啦喊都係好正常既。佢係媽媽個肚入面十個月，突然黎到呢個世界當然會覺得唔習慣，咁佢又淨係識得用喊黎表達，所以就係唔係都喊啦
你可以試下飲完奶或者佢冇拉拉喊果時就抱下佢，等佢有D安慰，同佢唱下歌仔，傾下計咁，咁佢就會有番D安全感架喇。不過通常咁做，BB都會好快習慣有人抱住既感覺，咁過多一排你唔抱佢佢就會喊，喊到你抱佢為止架喇
5) 定唔定時要睇BB飲人奶定奶粉，又要睇時間。人奶既話可以唔使跟到足，奶粉就最好定時飲。另外日間時份就最好定時飲，不過到佢訓覺既時候，就算夠鐘飲奶最好都唔好騷擾佢，等佢訓覺好既，訓得好就自然飲得多，咁就會長肉。你唔使怕佢會訓覺果時肚餓既，因為佢覺得肚餓就自然會起身要飲奶架啦
6) 最好就唔好整醒佢。若果迫不得意一定要整醒佢，最好首先叫佢幾聲，再輕輕拍佢心口，不過佢而家咁細個，你點叫佢都一定會扎一扎架喇。所以就盡量唔好叫醒佢啦
7) 要有規律一定要由細開始，沖涼、飲奶就好易控制，因為係你定時定侯去做就得喇。但係訓覺就難D，尤其佢而家咁細，都未識分日頭同夜晚，一定要慢慢訓練。可以係訓之前同佢講而家夜晚要訓覺，比D"吹"眠曲佢聽，盡量較暗D燈，慢慢長大佢就會習慣咁樣就係要訓覺架喇
8) 每個BB既飲奶份量都唔同，佢有時飲得多，有時飲得小，咁有機會係佢既胃口都未定，又或者佢係有時飲人奶，有時飲奶粉，咁佢適應唔黎就會唔定安數。不過都冇所謂，佢飲到幾多就幾多啦，若果你真係要知佢飲奶既份量，咁你就拎個中位數啦。開奶果時都用中位數既份量黎開，以免開得多又飲唔晒，開得小佢唔夠飲又會喊，但再開佢又會飲唔晒

1.初生便會有肚風啊,ok.一星期到用雞蛋都可以,無問題的,雞蛋唔傷肚仔啊,ok.最好雞蛋除了蛋黃,放一只銀介指落去仲好啊,這樣用銀介指,搓出來d肚風係黑色的,2.仲有用生油都可以啊,3.初生便會有肚風啊,初生仲會好多肚風的,唔怕的,唔駛擔心,肚風會令bb易哭,唔要瞓,成日哭等現像啦,ok.4.唔好成日讚bb啊,初生bb特別小氣的,唔好在bb面前稱讚佢啦,成日哭這些都會有根據啊,5.初生bb無咁快識認啊,定時定後當然好d囉,唔駛用方法啊,夠鐘食奶時候,便放在佢口角到貼貼佢.佢會知道的,唔好亂來放入佢到啊,以免濁親佢啊,如bb係飲奶時候,佢地都會比d反應你地係度飲緊奶啊,ok.初生便要開始習慣沖涼,食奶瞓覺等....規律啊,盡量依照護士比佢食的份量啦,盡量開奶時開多少少啊,怕佢第一次食不夠時候,到了第二次能食回多d啊,所以最好預多少少份量奶給bb食啊,ok.慢慢來啊,好快你們便懂得去照護bb啊.