✔ 最佳答案
我諗你搞錯咗啦─應該係祇會令貧富懸殊加劇!你可以發覺下列現象:
1. 裁員係裁中低層,減薪似乎對高層管理人員,尤其外資企業係一件非常遙遠,甚至係無可能的事情。
2. 公務員唔止唔減,甚至有人叫加公務員津貼去「幫助」消費市道,但就唔係齊齊減薪共渡時艱。
3. 超市明減實加,先嘜高價錢然後減少少。
4. 已經好多零售同飲食業倒下。正常好多老闆都會做埋聖誕同農曆年,市道會點可想而知。基本民生所需物價無按市民收入減少,壟斷性行業仲一直希望淘空你同我的口袋!
5. 政府連番失誤,又唔見啲報紙鬧曾生好似董伯伯咁叫人落台,睇嚟都唔使23條立法啦!社會上欺善怕惡者充斥,自命清流者又係騙子﹝陳水扁一類﹞,咁點會有好日子過?
6. 政府要強迫儲錢﹝強積金﹞,但就無監管又無保證,啲金融機構又乘機搜括,到依家都無立例管制同保證回報,咁點收窄貧富懸殊?
7. 政策傾斜向大財團,而高官日後退休可以有「後著」,咁點會有改善?
希望幫到你!