Electrical

高人你好，據我所知如果你要測量導體電阻值歐姆，一定要有電壓既，如果冇電壓就唔可以測量電阻值，計算法（電阻值 = 電壓 / 電流） R = V / I 就可以，但係你要係 Socket 上測 Ohms 的存在係可以既，因爲 Socket 有接口就有電阻。
測量時一定要有負載，電流表，微電壓表等等。
例如 ： 0.001V / 100A = 0.00001 ohm

2008-12-02 22:30:20 補充：
改正

0.001V / 10A = 0.0001 ohm

2008-12-03 22:14:44 補充：
回應 ghost7hk

你好！量電阻接上 220V 市電係可以既，方法係一定要有電流，比如電熨斗 5A，插囌來電既電線 223V，經過插頭後得返 221V，電壓降 = 2V，電阻值為 R = V / I，2 / 5 = 0.4 Ω，即係 0.4 歐姆，唔明再問，過期就 [email protected]

2008-12-03 22:19:33 補充：
回應 terry_0110

你好！你係計電阻唔係量電阻，原因係插頭内既導體又大有細，所以計唔到既，仲有就係開關接點都會有電阻既。

pc7086 你好！首先我想同你分析一吓，點解前四位答問者會有完全唔同既答案。

ghost7hk可能係一位比較斯文既人，俾啲220V既電哄埋嚟，佢都未電親就已經先嚇死咗。咁佢推己及人，為你人身安全設想，咪話冇電先得囉。

何福良做過33000V既工程，對佢嚟講，220v係相對安全既低壓電，可能佢會覺得俾220V既電電親只不過好似比蚊咬咗啖咁，好濕碎，搽D白花油就冇事。所以咪叫你帶電作業囉，佢提出既方法係要拆開牆身個插穌座同埋家庭電器既插穌頭先量到既。不過香港法例規定，要有ABC電牌才可以安裝或拆除電氣裝置。


terry_0110係學院派既唯數主義份子，不過如果你學佢咁計數法，你D頭髮會好快甩清光，自己衡量。

vmaksan講緊既係並聯概念既電阻，同頭三位既串聯概念既電阻唔同。其實佢係想你明白，除咗串聯之外，仲可以係並聯既。

我入過你個blog，見到你將個萬能插穌好似醫生同病人插喉咁插滿哂他錶測試棒，一般時下年青人只係鍾意打機，而你就鍾意打電老虎，確係難得，有咗你，我哋好似番咗去學術氣氛濃厚既哥白尼時代咁。

你做呢啲實驗時，個身唔好掂牆或其任何嘢，著住膠底既鞋，穩重啲。


未來既香港愛迪生加油！

他錶武松加油！

如果個Socket 祇係離開市電(即未裝), Socket內的銅片電阻太細, 量度好麻煩, 冇咩實用價值。
如果個Socket有220V市電, 量度Ohms又冇得量度, 試想想你個Socket係連接哂所有家中電器, 又有入屋變壓器, 如果博電阻量電壓降冇意思, 因為13A電供應是不會有電壓降, 因為供電商要保證13A內電壓要穩定不變。

真正實用的是測量Socket220V市電的內阻抗(impedance), 包括市電所有家中連接一起的電器, 所有接線, 的電阻,電容,電感的總值。測量市電的內阻抗最重要應用在PLC(Power Line Communication)電力線通訊上。家中電力線的內阻抗秒秒鐘在變動, 通訊前亳秒內一定要知道電力線內阻抗的值(impedance matching)才可適當地送出和接收data, 減低損耗和雜音。

一般可行既方法係 ...
斷開市電 220V後, 利用它錶的電阻測試檔, 於測試棒兩端, 輸出直流低壓 (一般9V) 電源, 並跟據 Ohms' law, 量度出 socket 或導體之電阻值.

如果要真正係完全冇電源既情況下, 測出導體既 Ohms 值.
是有方法的, 不過就十分不切實際.

條件係你首先要知道:
1) 導體橫截面積(平方米，m2 ) - A
於 Socket 或 導體上, 指定 2 參考點之間既有效截面積! 由於 socket 的形狀並不如導線般是簡單的圓柱體, 所以實際上要知道有效截面積 A 是十分困難. (但並不是冇可能)

2) 電阻系數(歐米，Ωm) - ρ
電阻系數是與導體的材料有關，不同的導體便有不同數值之電阻系數。

3) 導體長度(米，m) - L

從物理角度上看, 導體的電阻R與它的長度( L )成正比， 而與它的橫截面 ( A )成反比。

即 R=ρ.(L/A)

因此, 只要知道 ρ, L 及 A, 便可計算出 R.

補充多少少, 導體除左有 電阻系數(ρ) 外,
仲有 電阻溫度系數( α )

所有純金屬的電阻都隨溫度上升而增加，因為當溫度升高，原子之擺動加快，電子移動的路徑受到阻礙，電阻增加，故金屬可說具正溫度系數。有些材料 如半導體，溫度上升，電阻減少，則具負溫度系數。在一般工作溫度範圍內，

所有金屬的電阻與溫度間有近似線性的關係。

Rθ=Ro (1 αoθ)
Rθ:最後之電阻(Ω)
Ro :最初之電阻(Ω)
θ: 上升之溫度(oc/K)
α: 溫度系數(/k 或 / oc)

一般情況下，電阻之溫度系數是在0 oc而得。

Hope this help.

測試電阻 ohm value, 一定要在無電 (i.e. 220V)的情況下測量.

2008-12-03 13:23:59 補充：
我見你的問題, 都估緊你對電的認識情度, 果然...

全句的意思係"一定要在無電的情況下測量". 一般socket都是接上220V電力, 在這情況下用電阻表去量度電阻可以話係十死無生; 所以我話(i.e. 220V), 即無左220V電.

正如博士所言量度電阻係要用電, 一般係極低壓(24V或以下, 當然有例外), 所以囉. 希望你明啦, 唔明再問.

2008-12-05 17:35:56 補充：
回博士的話, 一般220V測量, 很難分辨出 1~2V (0.5%)即使你用數字錶, 所以建議這朋友用電阻錶去量電阻, 這是電阻錶的存在意義.

另外, 用高壓做測量, 情非得以, 即使一般掣櫃測量, 都會經過變壓器和變流器以低壓, 低電流量度.

而且即使是 1 SQ.MM的銅線, 每米的電壓降只有29mV(越粗的線電壓降越少), 你的方法, 似乎.....

2008-12-05 17:44:11 補充：
Terry 的兩個方法, 不論在理論上和實際上都是可行方法.

用電阻錶量度直接讀出電阻, 比之博士的又加又減, 又V又I, 夠竟邊個係計出來先?

第二個方法, 無錯是計出來, 但所用的儀器簡單, 有把尺就做到, 比起又度電壓, 又度電流, 好多IVE畢業的都唔識點駁電流錶架.

博士點解你次次都要批評人地的答案? 正確的話, 我們自當會學習你寶貴的知識的.