公屋 – 綠表問題

以綠表買入公屋後, 戶主(即業主)終生喪失政府房屋福利, 不能申請公屋及屋屋. 除非申請破產, 才能再次申請公屋.

買入公屋自住問題不大, 但若用來投資炒賣, 賣咗之後, 要以市價購入私人樓宇或租住私人樓宇.

正確來講, 係賺到唔夠交租.

2008-12-02 12:40:51 補充：
公屋的確會跟私樓一樣升跌, 但
1) 出售的屋村並非全部已出售, 部份仍然為租戶, 通常租戶係無咁有公德心, 你可留意知識庫內, 有好多買家對鄰居投訴, 對買家來講係一個考慮因素, 所以出售亦有限制.
2) 買家覺得樓價扺, 但賣家覺得賤賣, 放售的樓盤亦會減少.
3) 始終係個句, 要放棄終生的房屋福利, 買賣雙方都未必覺得扺, 除非是富戶, 非買不可, 唔買就比房署收回公屋, 否則購入價必須加上 ( 終生房屋福利 ).
4) 管理差, 富善村的(車立)便是一例, 樓宇的升跌同管理好壞也有一定的關係, 購入管理差的屋村, 升值能力有限.

如果作為投資用途, 當然以長者作為業主, 千萬不要聯名, 聯名業主亦會喪失房屋福利, 係我的女性朋友的痛苦經驗.
1) 以長者作為業主, 其他家人可獨立申請公屋/居屋, 當然, 單身人仕上樓要10年8年
2) 立下平安紙, 就算其他家人無戶籍, 亦可免補地價承繼物業
3) 當然, 打算移民外國/國內, 出售套現, 也無不可.

如果買, 有甚麼筍野推介 ?
公屋來講 : 鳳德村交投很多, 風景好, 交通不差, 但鳳德村好凍, 如果有老人家自住, 要考慮一下, 而且是第一批出售公屋, 售價不平.
竹園村, 唔係咁好, 有朋友住在此村, 麻麻地.
黃大仙上/下村, 唔記得上村定下村, 据聞居民唔係咁有公德心, 但聽聞也幾好住, 但貴.
李鄭屋村, 有業主讚鄰居有公德心, 好好住, 但好少人放售, 好難買到.
青衣長安村, 交投多, 但針筒亦多, 你應該明白我的意思, 交通方便, 部份景觀甚佳, 投資一定無問題, 自住就要考慮.

如果財力足夠, 可以考慮龍蟠苑, 風水頗佳, 交通方便, 景觀普通, 部份噪音嚴重, 但內部好多居民都係同一目標, 買孖屋, 即係買埋鄰居個間, 唔洗多講, 你已經知道好唔好住.

2008-12-02 12:48:27 補充：
以綠表購入公屋/居屋的同時, 要留意補地價的折扣率, 同一屋村, 係唔同年代買/或另外期數買居屋, 折扣率係唔同, 會影响以後補地價的價錢, 亦影响以後以白表的出售價.

例如 : 鳳鑽苑 - 係第13期B, 91年8月出售, 但如果係重售, 在92年購入, 則折扣率唔同, 要問清楚賣家.
公屋第1年有折上折(約25%), 第2年貴啲, 第3年又唔同,
一定要問清楚.

2008-12-02 12:49:46 補充：
唔洗咁快選答案, 我所知有限, 等其他網友再答, 可能有更好的答案.