就開始講下我個人經歷
我19歲,有人話我似韓國明星
但又有人話我個樣生得細
睇落得15-16歲
識親既人都鐘意當我白痴,我講既野佢地當耳邊風,成日覺得我咩都唔識唸,成日講廢話黎教訓我,扮晒大人咁同我講人生
事實佢既講果d廢話我基本上自己都知,自己都有作深入既理解,分分鐘仲分析得深入過佢
所以我唔覺得佢講既唔係岩晒姐
一反駁佢就一句"大個d你就明啦",真係onxx,你同我咪又差唔多大
而係呢d人既心目中我永遠都係"小朋友"佢地時常都唔理我感受直接話我小朋友或細路
另一d就係,同我溝通時大家講野都好似冇咩野,玩下玩下,佢就開始當我真係傻,我講d重要認真d既野都當我玩,或許唔會讓我參予一d較為肅嚴既話題
唉,所以我識好多人,最後都搞到彊晒或者冇咩點聯絡
我唸個原因都係當我細路,咩都唔識,以為我傻下傻下,之後比我反咬
另一個原因就係覺得我似細路,唔係好適合做佢朋友
我個人亦好鐘意搞下事,尤其對住d想恰我既人,我會引佢地去恰我,然後比d顏色佢地睇,真係發覺,唔咁樣做,佢地只會繼續得寸進尺
另外講下我朋友,佢又係19歲
個樣似余文樂,但矮過我,我都已經唔係高,都係168左右,佢應該得160左右,佢有個fd都係同佢差唔多高,歲數一樣
然後佢就講左d野比我知
就話佢地上次去元朗千色廣場某間時裝店
間時裝店就好似大部份都賣女仔衫,但有小部份男裝
佢想入去睇,個店務員即場前往他們面前作出攔截
講左句乜鬼"呢到冇你地需要既野,你地唔駛入去"
我fd聽到當然大怒,嘈左輪,然後立即看到有其他男子進到該時裝店購物
我聽到我fd咁同我講我都聽到有少少火,應該曾經有共嗚掛
正準備下次同我fd去搞下破壞
然後又某次我同上面個fd再同其餘兩位fd去元朗b仔涼粉到食宵夜
原本開開心心,食得幾愉快,點知埋單果陣,我地比錢出左d問題,差一蚊定唔知兩蚊
我地都仲傾緊數果陣,收銀果個阿婆定唔知阿嬸,好鬼惡死咁大大聲話"我地呢到唔收毫子"佢又大大塊牌掛住係到話5毫以下唔收,我地當時都冇唸住拎d毫子出黎比佢,佢就先入為主以為我地會拎毫子,然後阿余文樂就嘈佢話"毫子係法定貨幣你冇得唔收",佢又好惡咁話"同我講冇用,你要講就搵老細講",我當初以為佢話緊我地比左佢果幾個5毫,我就話"你又掛住塊牌話你呢到只係話唔收一毫兩毫,但我地都冇比一毫兩毫你,你係到嘈乜鬼",佢又話"我地係唔收一兩毛",然後我就話"咁我地都冇比毫子你",佢又冇野講
搞到差d想搵差佬黎評下理,咁鬼串,但最後都係就咁比幾蚊佢冇搞大
已經唸住下次比夠19個一毫子佢
點解而家d老野,咁鐘意以貌取人,恰細路?唔通佢地真係未驚過?
雖然有時有人話我樣細點點點,開始時我都會介意,但不知不覺,而家已經變左我地用黎搞事既優勢
更新1:
basic86120 首先我從來唔會點證明自己係大個,問起我年齡果陣我仲會報個細數 講得出黎就已經預左會比你咁話 始終我既作法唔係人人都會認同 當一個人唔認同另一個人做法時,就會認為對方是小朋友,此仍人之常情 而我亦都唔會認同一d以貌取人既傢伙 更加唔好叫我認同佢地講既野,尤其係呢種人 人不可貌相呢個道理佢地都唔識,仲有咩資格同我講道
