最重的握力器有幾重?同埋邊到買平?

最重的握力器有幾重?唔知。其實無論係握力器，抑或其他器材，重點並非<最重可以幾重>，而係<是否適合你>。同埋邊到買平?旺角波鞋街有幾間專賣運動用品的公司 (包括了樓上舖)，就有各式的鍛鍊及健身用品賣了，你去搵下就得。握力器一天握幾多下先可以快同有效練大隻同大力? 顧名思義，握力器只係要來練握力的，並非練大隻，極其量係練前臂肌肉 (因為握力係要前臂肌肉發力的)。而且做運動，千歧唔好諗住有得快，力量，肌肉，體能等，都係要透過鍛鍊時間浸出來的。至於幾多下，亦無一定的，要視你的目標而定；假如按照負重鍛鍊的法則：增肌的話，選一個重量係夠力最起碼做 8 下，又唔會做完 12 下都重有力繼續；每次做 3-4 組，每組 8-12 下，練完最少休息 48 小時，不過期間可鍛鍊別的肌肉組。如果將重量增加，下數減少，例如每組 6 下，做 3 組的話，就會變成練爆發力和大力，而肌肉會變大但不會紮實。相反，如果揀較輕的重量，下數增多，例如每組 15-20 下，做 4-5 組的話，就會變成耐力，而肌肉會紮實但不會變大。如果你真係要大隻的話，其實要去做 gym 的，握力器並非用來增肌。