[急]請問診所藥物包裝上<每日三次>是指每多少小時一次?????(10點)

你認為<每日三次>是指四小時一次？而你家人就認為八小時一次？
你同你的家人全部都錯。
藥物包裝上標明<每日三次>，通常是指藥包內的藥物，病人可於一日之內，可以接受最多三次同一劑量嘅藥物份量，除非醫生另有特別的指示，否則<每日三次>係毋須要將病人的睡眠時間也包括在內的。難道病人正在半夜休息好夢正甜時，都要被吵醒服藥嗎？
最普遍的計法就係每 6小時就服用一次，即是係早、午、晚各一次。換句話嚟講，若果藥物係需要飽肚 or 需要飯後服用嘅，咁即係喺早上食咗早餐之後服用，再隔 6 小時就係午飯過後 or 下午茶後服用，然之後再隔 6 小時就係晚飯過後 or 入睡之前服用。
當然，各種藥物的特性和服用方法都有所不同，而因為你無喺問題裡面註明藥名又或者係邊一類型嘅藥物，你想知道隻藥應該點樣食，其實最穩妥的辦法，係應該要向醫生、醫護人員、診所護士、甚至註冊藥劑師請教。
清楚藥物的特性和服用守則，始終會對病人較為安全的！