BB 瞓得唔好, 成日扎醒, 有咩辦法?

小兒當年也要人通宵抱着睡覺，否則便啼哭不止，那時真的度日如年，身心俱疲，後來有一中醫敎，用蟬退九隻，去頭去爪，每隻只取下半截，白鑊炒焦磨碎，再用五分薄荷葉焗水送服，果然不到一小時，便漸漸安靜睡去，直至天明，跟住連服了幾天，都睡得很安穩。便試停了藥，睡得不太好，但已無啼哭，於是又喂多兩天，再試停服，見他己能酣睡，我們夫婦才得解脫。
中醫解說：嬰兒多數不適，多是或風或驚，這兩味藥正好是疏風定驚，他又囑咐，嬰孩乃是純陽之體，不要替他們穿太多的衣服，很多父母摸了摸孩子的手，覺得冰涼，便替孩子添衣，但原來，測試孩子冷暧，不要摸手（因小兒的循環系統尚未完備，手足未必便暧），反而要觸摸頸後，頸後曖，身體便也夠暧，頸後若是濕濕的，已是太熱了，便要替他減少衣衫。很多時小孩扭計，便是因為衣服穿得太多。古語有云：若要小兒安，常帶三分饑與寒。
我們聽話，兒子便很少出現狀況了。
後來偶然天氣變幻，他又睡得不好了，又再給他服了一次，都有幫助。這方法簡單易做，價錢又平，且無副作用，可以試試！後來外子的同事也遇同樣情況，着我替他做了幾份藥末送去，同樣收效。
還有，小兒當年都是反轉地睡的，背上再捲一條大毛巾壓着，也有幫助。

有兩位都講得好好。啲老人家話要放隻腳出來等佢伸展吓，其實頭一個月都可以用毛巾扎實佢黎訓，等佢有多啲安全感，像在媽媽肚內咁，會訓得好啲。試想想，BB剛剛來到這陌生的世界，要時間適應。

仲有，BB一定要:
BACK TO SLEEP, PLAY ON TUMMY

其實呢個情況係正常既，媽媽你可以放心，因為BB係你肚入面十個月都係迫迫夾夾，出左世之後周圍都空了了，自然就會唔慣，所以先會突然扎一扎同喊架姐
抱住佢係一個方法，不過若果你唔想習慣佢成日比人抱住，可以試下用毛巾包住佢，就好似岩岩出世係醫院果時咁包。又或者可以試下係佢周圍放多D枕頭咕0臣，目的都係一樣，等佢有迫夾感覺。一般到三個月情況就會好轉架喇
至於你所講既米袋，細係冇用既，我有朋友個媽咪專幫人整米袋，佢既米袋好似半張BB被咁大，可以蓋住BB整個上半身。設計就要將米入袋後，平均分佈，再車上一格格，D米就唔會走。我見同佢個米袋既BB都會好小扎既，而且訓既時間都會長D，有時間既話可以一試
就算BB冇蠶豆症，咁細個都唔應該服用保嬰丹同珍珠未既，最快都要等到BB有四個月或以上先好服用
其實呢D係BB既天性黎，基本上佢唔需要食任何野，隨著佢慢慢長大，情況都會好轉，只要你比多D耐性就冇問題架喇
加油吧，媽媽~

你可試試用毛巾（浴巾尺碼）把ＢＢ捲起，讓他有少許擠逼感，像是在母親肚內有點擠逼一樣，ＢＢ會覺得較有安全感，就算扎一扎，也有毛巾圍著他，有點像給人抱著的感覺．

另外，可能你用的米袋太小，其實用米袋也是一樣，希望讓ＢＢ感到一點壓力，像是在母親肚內一樣．

還有一點很重要，你切記注意：讓bb反轉瞓 ，要小心避免壓到鼻孔，阻礙呼吸，甚至做成窒息．其實，讓ＢＢ反轉瞓，在十多年前已遭醫護界大力修訂為不適合幼小ＢＢ的睡姿．

有冇試下反轉bb瞓,應該好會d,

因為我的bb好似你咁成日喊,

同瞓咗都不斷扎一扎,

你可以試一試.

希望幫到你