龜冬眠＝唔食野（好驚）

周圍爬就唔係冬眠, 咁仲衰, 因為有出無入, 即係你不停活動, 但完全無野到肚, 咁絛命點會長呢 ? 神仙咩 !
冷血動物天氣凍係會唔多想郁, 又唔想食野, 到體內能源消耗得差唔多時, 就會開始死訓爛訓, 個陣時抵抗力最低, 好易病, 加上無野食, 會病死. 人地仲以為佢係冬緊眠, 其實係病到一訓不醒.
若果係細隻，　或買回來不久的龜，例如只有幾個月，　最好唔好比佢冬眠，　因你唔肯定佢儲夠幾個月的糧食未　，　你以為佢係冬眠，　點知一訓不醒，　原來佢已又餓又病了幾個月都無人知．　通常大多幾年的龜冬眠會較穩陣，　因佢地有足夠抵抗力，　唔會咁容易病，　因為龜一病就會絕食，　之後只有等死．
　我希望你肯定佢係適唔適宜冬眠先，　否則我怕你會後悔，　　若果佢未有足夠條件就冬眠，　就會感冒, 之後肺炎, 一定要去醫生處打抗生素, 唉 ! 我上年就係試過, 你唔想好似我咁, 就要小心啦 ! 記住照太陽燈或射燈長期保暖, 一凍親就好鬼麻煩, 又破費.
只要長期保暖於26度, 佢就會同天熱一樣, 食得, 屙得, 唔駛驚佢死.
要一日換兩三次水最少, 否則會眼發炎, 手尾長.
淨係白飯唔夠營養, 即係好似我地一樣, 要有蛋白質, 例如小蝦, 魚仔, 紅虫.... 加埋曬太陽, 增加鈣質都係好重要.
龜點解會唔識游水呢 ?
龜唔係狗, 無咁厲害架. (智商)
總之, 天氣凍要保暖, 否則係會唔食野, 之後好易病, 之後等死...... 食多些有營養的食物, 勤換水, 勁曬太陽........ 多些擦吓, 清潔魚缸.......
快些做野啦 ! 唔係一陣病死左, 真係認得你的味都無用啦 !

2008-12-03 14:03:59 補充：
係呀 ! 快啦 ! 搵支書檯燈(幾十蚊, 唔駛咁貴), 另買個(太陽燈膽在金魚街才有)或射燈膽換上去, 太陽燈膽60-100火左右, 要百幾二百蚊左右, 用射燈膽就平些, 要三四十蚊左右, 鴨寮街會仲平 d , 可能廿蚊唔駛, 買支溫度計,(十蚊) 貼在魚缸, 用來量室溫是否有25-26度左右, 燈膽大約距離佢地10" - 12"左右, 睇住溫度計來調教, 唔夠暖咪貼近些照住佢, 太熱就離開少少.
水位到龜殼邊, 不用太多水, (要勤換水) 比幾舊石春佢上吓岸, 等佢可以唔駛24小時長浸住腳仔.
一定要此兩種燈膽, 因普通燈膽係唔夠熱力. 即係無用.

你日日唔食野,會不會死?
天氣凍就一定唔想動,所以一定要買太陽燈或射燈比佢地長期保暖,大約26度左右啦!
佢地之前有冇試過冬眠?試過又冇事就應該冇問題。
最好都唔好俾牠冬眠了。

佢地只係冬眠之麻,唔使驚!