canon 400D + Canon 50mm f/1.8

鏡頭焦距唔夠廣角有兩個方法,一係換機,例如由400D換成全片幅的EOS 5D,咁等效焦距就變翻真正的50mm,現在用400D等效焦距係要乘1.6倍,變咗80mm的.不過咁會好貴,而且50mm都未必夠廣.第二個方法就係買多支廣角鏡.單鏡反光機其中一個優點就係可以因應唔同題材換上不同既鏡頭.其實400D本身支kit lens就有唔錯既廣角能力.只要幾百蚊,如果預算多一點的話,可以買FE-S 18-55mm f3.5-5.6 IS,約$1400,有埋防震更好用.
至於嗰啲幾百蚊就咁扭在鏡頭前面既廣角附加鏡勸你就唔好買,會令光學質素大幅下滑.
影響景深的因素不外鏡頭焦距,光圈值,對焦距離及背景遠近.用廣角一點焦距前清幅度就會增加,例如kit lens既18mm,不過廣角焦距近攝會有非常誇張的前大後細問題,除非專登玩效果,一般商業攝影好小咁做.
收細光圈值可算是最可行的方法.只要收細光圈例如去到f16,前清的幅度就會大好多.但始終有個限度,有時收到最細光圈都未必夠,而且光圈太細會有繞射現像,影響光學質素.影微距景深唔夠其實係單鏡機一個缺點,你如果留意下啲廣告海報,其實好多都係只有一部份清,佢地未必刻意係咁做,而係因為做唔到全部清晒.所以唯有搵一個你最想清的地方等佢清,又或者改變構圖令個疍糕盡量處於一個平面上.另外留意收光圈快門會變慢,光線唔夠的話記得用腳架.
對焦距離其實影響最大,不過啲嘢你要影咁大自然要走咁埋,不過都有一啲邪道方法的,你可以影細小小,然後透過裁相既方法放翻大個主體.如果唔係要做大呎吋列印,咁400D既像素足夠有餘.理論歸理論,千萬唔好裁太多.裁相理論同數碼變焦差不多,越裁得多影像質素下滑越多.
背景距離,如果你由上而下影個疍榚,而想張枱面矇,咁矇既程度係唔會太勁的,因為枱面太近.試下盡量改變角度例如接近水平咁影埋去,背景就好易矇.
其實仲有一招就係用移軸鏡改變景深的光軸就可以大量增加景深,不過移軸鏡要過萬一支,似乎唔係咁值得.

2008-12-03 21:44:52 補充：
要獲得最大景深並唔應該將對焦點放在物件更前方的位置.焦點的地方固然最清晰.但景深的分佈是大約1/3在焦點前面,2/3在焦點後面的.把焦點放在最前的話變咗景深得翻2/3.要獲得最大景深,焦點應該入咗物體裏面先啱.
http://www.beautymodel.com/article23.htm
其實唔駛計數咁複雜的,單鏡機有觀景窗.只要用手動對焦(其實近攝好多時自動對焦都唔準),扭動對焦環,前景中焦後焦點再向物件移入,前景啱啱跌出景深再扭翻轉頭小小已經係最大景深.簡單直接唔會好困難.

2008-12-03 22:22:59 補充：
(基本上冇錯, 不過... 你係打算搞商業攝影?
商業攝影既話估計客戶要求將會主導一切,
事實上亦會見到一o的廣告相特登利用廣角鏡既特性做出誇張既大細效果,
所以, 唔好一味將佢當係 "問題" )
我唔明你要攻擊我啲乜,我只不過講出商業攝影會避免用廣角鏡頭引起強烈前大後細問題,致於商業嗰兩個字跟本唔係重點.鐘意前大後細咪用廣角,唔鐘意咪唔用囉.

2008-12-03 22:23:15 補充：
(真係收到去f16, 基本上已經冇景深可言, 尤其係你以近攝為目的既時候, f16做出黎既景深就算近攝都應該可以包圍整個房間. 不過當然景深唔夠長時, 莫講話f16, f32都要啦係咪?)
以為f16就可以包圍整個房間既人基本上應該係冇乜近攝經驗的.否則都唔會成日同人講甚麼f4到f5.6正常光圈.至於唔夠景深就係咪要用到f32我有啲保留,冇錯用到f32景深係會長咗,但繞射現象會令影像銳利度有明顯下降,遇到咁情況我寧願將焦點放在比較重要位置多於用f32.

2008-12-03 22:23:31 補充：
(至於自動機對焦時, 可能會因應鏡頭原先既設定, 而將主體放左係景深範圍既前或後
(好似原本set左去無限遠, 咁主體就會先進入遠端, 咁清晰範圍就會集中係主體前便)
你喺邊度聽翻來架?定係你自己幻想出來?

2008-12-03 22:23:43 補充：
(繞射多數會出現係有強烈燈光入左鏡時, 所以, 呢個其實可以避免只要將光源控制好.)
我諗你有啲誤解咗或者跟本未聽過繞射既意思.繞射係同燈光照明無關的.請自己睇下網頁.
http://www.dcfever.com/learn/viewglossary.php?glossary_id=19

2008-12-03 22:23:57 補充：
(唔... 微距? 我估計你既主體距離應該未到微距既地步, 微距既話, 我估你個蛋糕淨影到粒士多啤梨架勒....)
我建議你答人問題前唔好咁懶,自己真係試過先答啦.發問者個問題係唔駛去到粒士多啤利既程度都會發生架喇,我成日影啲一碟碟既嘢我諗我清楚過你.

2008-12-03 22:24:09 補充：
(好多海報用既相機都係4x6既菲林, 例如哈蘇等, (唔係放唔到咁大)
要用黎比較唔多o岩, 尤其係廣告攝如果全部都咁清, 咁你會唔會留意到個主體呢? )
乜原來個個都用哈蘇咁好世界?同埋原來個疍糕要一半清一半矇先另人留意到?呢個都算係好新奇既表現方法.我會比較喜歡成個疍榚清楚,旁邊的物件矇多啲.

2008-12-03 22:24:26 補充：
(冇錯, 不過咁你對景深既控制就更差, 你可能要試好多張相至得到你想要既效果.)
景深深咗反而要試多好多張,邏輯上會唔會有問題?

2008-12-03 22:24:39 補充：
(枱面太近結果會係太矇, 冇可能會唔矇既, 不過太矇反而會變得似背景,
都不失為一個方法 )
你究竟想講乜?唔該你睇清楚啲先.

2008-12-03 22:24:50 補充：
(移軸鏡係改變入光既方向從而令到同一距離既景物部份對焦部份唔對, 效果唔關景深事.)
你有啲孤陋寡聞喇.你不妨去以下網頁睇下,裏面有提到移軸鏡可以改變光軸,令景深大幅增加.
http://5i01.com/topicdetail.php?f=248&t=668150&last=6738100

2008-12-05 14:55:02 補充：
A-DEP mode其實只係一個計算工具,你對兩點佢就幫你計算可以有這個景深的光圈,但係如果物理上做唔到的話佢係冇作用的.而且除非你個疍榚在室外影又或者用閃光燈影,否則又要收細光圈又要保持快門在1/60s以上可能性唔大,還是用腳架比較穏陣.

嘗試給你簡單建議:
50mm1.8是一支平靚正的鏡頭,但不代表它是萬能! 而事實上每枝鏡頭也有它的限制,你一就是遷就它(如行遠一些影),一就是換鏡,一就是不去影,這是攝影的個人判斷,沒有高低好壞,只在乎你的能力(包括遷就能力,創意能力,購買能力,或孭鏡能力) -- 有人只用一支鏡影相,有人出街帶三五七支鏡,各有特色,各有樂趣!
至於「影蛋糕」技術,我想已有不少大師傅回答,不便多言.總之多思考,多練習,相信自己,不要墨守成規,要成功不難.

不過由於枝鏡冇得ZOOM既關係
想影範圍大D都要行到鬼死咁遠
請問有冇方法可以改善呢個情況呢?

無得解决！！

我想問下如果我想前清後模個個"前清"範圍大D
例如影蛋糕就只可以影到粒士多啤梨清,但D cream同碟都影唔得清咁,
可以有咩方法影得哂成個蛋糕,而又保留到"前清後模"個種感覺呢?

正常用光圈5.6~6.3都可以做到。
如效果影唔哂蛋糕咪收細光圈，即7...或8...
而收細光圈要留意快門速度不可少於1/60~1/80
仲有一個簡單就係用A-DEP mode，可在轉公仔A/P/S/Auto轉盤找到
A-DEP mode係會自動計算最前及最後範圍，作出一個平均。

你幾大光圈呀?

你用既係定焦, 但唔代表景深範圍都係固定架.

好, 講到口臭既景深, 不外乎又係三樣:
1. 光圈 口徑越大景深越淺 :警告: 淺景深深唔係景淺....
2. 焦距 焦距越長可以做到淺景深
3. 物件距離 主體越近景深越淺.

你個情況, 簡單一句就係收細光圈,
我估你都係一味開行 f1.8 怒影架啦?
想包多少少, 可以試下 f2.8 至 f4 呢個range,

另外, 仲有一招, 不過要求高技術,
就係利用手動對焦, 將主體放係整個景深既最後方,
先用自動對焦, 之後將距較近少少,
咁係主體仲係清既情況下, 佢前面既景物都會有一段距離係清既.
另外, 可以既話就將對焦放係佢前面既物件, 好似蛋糕既前方而唔係後方咁.

不過呢樣要求你有返咁上下技術, 包括對焦選擇同對焦等.



2008-12-03 21:08:27 補充：
好, 針對好多一般人既誤解, 就逐點up多兩句啦:

"鏡頭焦距唔夠廣角有兩個方法,一係換機... 第二個方法就係買多支廣角鏡."
景深唔係單靠焦距控制, 另外兩個方法就係光圈同距離.

"影響景深的因素不外鏡頭焦距,光圈值,對焦距離及背景遠近.用廣角一點焦距前清幅度就會增加,例如kit lens既18mm,不過廣角焦距近攝會有非常誇張的前大後細問題,除非專登玩效果,一般商業攝影好小咁做."
基本上冇錯, 不過... 你係打算搞商業攝影?
商業攝影既話估計客戶要求將會主導一切,
事實上亦會見到一o的廣告相特登利用廣角鏡既特性做出誇張既大細效果,
所以, 唔好一味將佢當係 "問題"

2008-12-03 21:09:14 補充：
"收細光圈值可算是最可行的方法.只要收細光圈例如去到f16..."
真係收到去f16, 基本上已經冇景深可言, 尤其係你以近攝為目的既時候, f16做出黎既景深就算近攝都應該可以包圍整個房間. 不過當然景深唔夠長時, 莫講話f16, f32都要啦係咪?

"前清的幅度就會大好多.但始終有個限度,"
加長景深除左將前便既對焦範圍加長時, 同時亦會將後便既對焦範圍加長,
至於自動機對焦時, 可能會因應鏡頭原先既設定, 而將主體放左係景深範圍既前或後
(好似原本set左去無限遠, 咁主體就會先進入遠端, 咁清晰範圍就會集中係主體前便)

2008-12-03 21:09:25 補充：
"有時收到最細光圈都未必夠,而且光圈太細會有繞射現像,影響光學質素."
繞射多數會出現係有強烈燈光入左鏡時, 所以, 呢個其實可以避免只要將光源控制好.

"影微距景深唔夠其實係單鏡機一個缺點,"
唔... 微距? 我估計你既主體距離應該未到微距既地步, 微距既話, 我估你個蛋糕淨影到粒士多啤梨架勒....

"你如果留意下啲廣告海報,其實好多都係只有一部份清,佢地未必刻意係咁做,而係因為做唔到全部清晒."
好多海報用既相機都係4x6既菲林, 例如哈蘇等, (唔係放唔到咁大)
要用黎比較唔多o岩, 尤其係廣告攝如果全部都咁清, 咁你會唔會留意到個主體呢?

2008-12-03 21:09:40 補充：
"對焦距離其實影響最大,不過啲嘢你要影咁大自然要走咁埋,不過都有一啲邪道方法的,你可以影細小小,然後透過裁相既方法放翻大個主體.如果唔係要做大呎吋列印,咁400D既像素足夠有餘.理論歸理論,千萬唔好裁太多.裁相理論同數碼變焦差不多,越裁得多影像質素下滑越多."
冇錯, 不過咁你對景深既控制就更差, 你可能要試好多張相至得到你想要既效果.

"背景距離,如果你由上而下影個疍榚,而想張枱面矇,咁矇既程度係唔會太勁的,因為枱面太近.試下盡量改變角度例如接近水平咁影埋去,背景就好易矇."
枱面太近結果會係太矇, 冇可能會唔矇既, 不過太矇反而會變得似背景,
都不失為一個方法

2008-12-03 21:09:44 補充：
"其實仲有一招就係用移軸鏡改變景深的光軸就可以大量增加景深,不過移軸鏡要過萬一支,似乎唔係咁值得."
移軸鏡係改變入光既方向從而令到同一距離既景物部份對焦部份唔對, 效果唔關景深事.

2008-12-03 21:10:27 補充：
如果有咩錯漏, 還請各位指出