✔ 最佳答案
三部機來講以功能計係FZ28比較好.
焦距27-486mm,廣角遠攝都係佢最勁,而且佢光圈比較大,廣角有f2.8,遠攝都仲有f4.4.如果你唔怕走到好遠去影人,都可以有小小淺景深效果.
又有1cm微距,仲可以影raw,如果你有心機執下相係十分好用.
而且有齊光圈先決,快門先決同全手動曝光.方便做一啲特效果.同埋可以影1280 x 720高清影片.
S2000都同FZ28相似,但功能稍遜.焦距短小小,光圈較細,微距較一般同冇得影raw.
不過FZ28同S2000都比較笨重,F100fd用來做隨身機會比較輕便,不過功能就要將就下,首先焦距比較短,如果你要好遠咁zoom埋去影就唔得.只有全自動功能,微距又比較一般.影片只有標清的640 x 480,不過佢像素比較高而且用咗較大型既感光完件.
以下網頁有三部機規格及樣本相.你會發覺F100影像係明顯比較乾淨小雜訊的.
http://www.imaging-resource.com/DIGCAM01.HTM
最後都要一提FZ28及S2000那類長zoom始終感光完件細,日光日白手持影相或者低光時用腳架影下靜物就得,又低光又動態就唔掂,會出現zoom到但影唔到的情況,如果你諗住用來追星就多數會失望.