點解我做左一年GYM都大隻唔到？

你的問題都幾難答，因為我無見過你，完全唔知你點練，各方面配唔配合得到，不過試下籠統 d 講一點要注意的事項，我自己都係天生修長纖瘦，透過做運動改善的：１。打好體能基礎。最有效增肌的當然是健身，但必須做點帶氧運動，打好基礎，例如跑步和游水。我係健身前就連續１年努力游水，提升了心肺功能，才開始健身的。不夠心肺功能會窒礙增肌的。２。充足營養。這點是很明顯吧，但天生瘦的人如何提升營養吸收呢？有幾個要訣的：－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！以健身為例，一般要增肌的話，每天要睡眠８小時，而專業的健身人士睡眠時間甚至達９至１０小時的！４。放鬆自己。唔少瘦人（包括我）都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係點食點操都谷唔漲肌肉的。５。恆心毅力。呢樣野真係無得教，卻偏偏最重要！既然你天生係瘦，要增重練大隻都絕不容易的，亦無得快，無任何捷徑，只有持之以恆，才有好成績！除此之外，最好亦請教下資深健身師兄的意見，個個健身教練的教法都有出入的，唔一定最適合你，既然你玩一年都無乜成果，就係時候尋求其他的意見了，甚至可以考慮換教練。

亦要考慮返你的鍛鍊會否太刻板，其實身體同肌肉的鍛鍊都要變化，才有效刺激發展的；長期習慣了一種模式就唔會有效了，不過呢個應該由教練或資深健身師兄指導，千歧唔好自己創作新招式。至於健身奶粉，唔係萬能的，要講求整體蛋白質吸收量。我成日都講：其實正餐至係吸收營養的最佳途徑，健身奶粉只係輔助。
再者我唔知你點飲健身奶粉，其實呢方面同樣要食得其法：每日一至兩次，做完健身後食，唔健身的日子就當下午茶好了。而且健身奶粉分兩隻的。一隻係 whey，另一隻係 gainer；前者主要係蛋白質，無咁肥；後者同時包括了蛋白質和碳水化合物，更加肥 ，比較滯，適合瘦人。以你的情況，當然是 gainer 較適合了。詳細均衡飲食資訊可參考衛生署的<食物金字塔>：http://2plus3.cheu.gov.hk/html/b5/index.asp?fname=index.aspx


2008-11-30 15:54:54 補充：
重有，我想問你是否 join 了 california 或 physical 的教練堂？你兩間 gym 的教練質素好參差的，好教練同爛教練的比例係 1：10，所以如果你係呢間 gym 度請教練的話，就更加要留意自己個教練是否真的有心機教你，會唔會成一同你傾計，唔專心等等...... 如果真係有呢 d 情況，你就唔好猶豫，要立即換教練了。

既然你第二句就話 "有join教練堂", 相信好多有關做運動既程序, 方式都唔使多講, 假設你都會跟足教練咁做.

飲食方面, 教練相信都有教你點樣去注意, 亦都相信你知道咩應該食, 咩唔應該食, 咩食少d. 亦相信你都知道單靠奶粉係唔夠的.

教練都應該有同你講肌肉同脂肪既分別, 而且你一星期做三次, 做足一年, 假設你真係咁有恆心, 而每次都係不小於兩小時以上.

綜合以上既分析, 有以下意見 :

首先, 你只有54.9kg, 理論上你應該係女的, 但係如果係十多歲既男生, 亦有可能. 我唔知你係男定女, 亦唔知你年紀有幾大, 所以好難下判斷.

其次, 每個人身體結構, 吸收, 體能都唔同, 理論上無話一條公式就可以做得到.

再者, 你大隻唔到, 究竟在你眼中, 大隻既意思係要練肌肉, 還是想健康d.

謝.

多口問一句 : 教練點樣答你? 你在那一間做gym

2008-12-04 00:21:17 補充：
舉個例, 好多騎師都係咁上下體重, 但佢地唔會太高, 而且表面上睇落去, 都唔會係大隻仔.

你要增磅, 先要從飲食開始, 要均衡飲食, 要定時, 增肥同增磅係兩回事, 肌肉係重過脂肪. 切記.

每個人體質, 體能, 結構都唔同, 你最好搵個比較專業既人去請教, 有時候, 考試50分又係教練, 考100分又係教練, 你明白嘛?