my倉鼠真死我我應該點算

倉鼠智慧比較低..琴日同你玩完..今日可能唔認得你!咁樣好正常!
唔放心GE你可以睇下係咪需要換木康..幫佢沖涼或者清潔一下個籠!
如果真係仲好唔放心帶佢睇獸醫!

唔知鼠鼠做左d咩令你覺得佢好憎你呢?咬你?定係好驚咁?鼠鼠買左幾耐?有冇第隻鼠同佢一齊住?
A.鼠鼠忽然好惡,可能係受驚or生病
鼠鼠有短期同長期記憶,短既記得8個鐘,長期則可記住12日左右,如果係新鼠既話,第日就唔記得你就唔出奇,加上新鼠未習慣環境同人,係冇咁快會同你熟既,但如果已經養左一段時間,又唔係成日唔理鼠鼠既話,就應該同記憶力冇關

而鼠鼠係獨居動物,唔慣同第隻鼠一齊住,有第隻鼠既話,情緒會特別唔穩定,所以最好係一籠一鼠,鼠鼠有壓力or受驚,易誘發甩毛肚瀉等疾病

而家可以留意一下以下既問題:
1)檢查鼠鼠身體及排泄物睇下有冇異常,有事就要盡快處理;除左檢查外,就唔好打擾鼠鼠,唔好抱鼠鼠住
2)如果有第隻鼠就要分籠,鼠鼠係獨居動物,有第隻鼠一齊都會更神經質,又易咬人,而且兩隻鼠仲好易會打交
3)留意鼠鼠有冇飲食,有時鼠鼠受驚就唔食唔飲
4)到鼠鼠正常返d之後,再俾佢靜多兩日之後,可以試返呢個方法,慢慢同鼠鼠熟,唔好太心急,唔係反而對鼠鼠唔好:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱

B.同時可了解返會唔會做左d咩令鼠鼠唔喜歡你咁,照顧鼠鼠要留意以下既事先可以令鼠鼠開心:
1)多D檢查鼠鼠既身體同排泄物
留意多D鼠鼠既身體,鼠鼠一有D咩唔舒服就盡快處理,如果唔係,鼠鼠唔舒服都會好不安及辛苦

2)唔好一籠多鼠
鼠鼠係獨居動物,所以唔鍾意同第隻鼠一齊生活,當然第d動物都唔好啦

3)保持衛生
一星期洗一次籠,同鼠鼠一星期沖一次涼,熱天沖兩次,令鼠鼠同環境衛生D,鼠鼠住都住得舒服D,鼠鼠本身係好喜歡乾淨,見佢成日自己沖涼就知啦

4)鼠籠安全
留意多D鼠籠有冇咩野會整親鼠鼠,唔好用貓砂做墊材,因為太硬太大粒,會易令鼠鼠腳仔唔舒服甚至受傷
籠既地面同轉輪唔會係有隙,唔係好易卡到鼠鼠既腳

5)唔好對鼠鼠突然發出太大既聲音
好似吸塵咁,可以由距離鼠鼠較遠既地方開始吸,咁就冇咁大聲
叫鼠鼠就細聲D叫

6)唔好突然抱鼠鼠
特別係唔好從後忽然抱鼠鼠,咁會嚇親鼠鼠,以為有第D動物攻擊佢
抱鼠鼠最好先輕聲叫鼠鼠,之後先再抱,仲要同鼠鼠熟左先抱

7)唔好勉強鼠鼠
當你對鼠鼠做一樣野,而鼠鼠反應係唔喜歡or驚既話,就唔好再勉強鼠鼠

8)唔好攪鼠鼠既尾
鼠鼠多數都唔喜歡俾人攪條尾,咀同鼻都麻麻地

9)唔好用光照鼠鼠
鼠鼠習慣夜晚活動日頭訓覺,所以習慣左會怕光,如果用光直照鼠鼠既眼,會令鼠鼠驚
除非係照鼠鼠既身體唔會整到眼,好似皮膚有外傷想睇真d,咁既時候就冇問題

你係唔係比唔夠野食佢呀 ? 定係無同佢玩呀 ?

倉鼠死都是正常的，你如果真的想知道牠死了沒有，便找獸醫幫手