A.一定要分籠,唔係好易會有更慘既情況,唔知你講既唔捨得既係咩呢?想繁殖鼠鼠?定係覺得一隻住唔好?佢地已經打傷左,再落去可能會更傷甚至打死,而且傷口易因有第隻鼠在場而受到細菌感染,唔再打都會有危險,傷口有細菌感染既話,可能會爛肉,生瘡,嚴重都會致命;而倉鼠係獨居動物,野生鼠都只係交配時一齊一陣就分開,所以一隻住係絕對冇問題,而且仲係尊重鼠鼠天性既做法
一男一女咁放埋一齊,我諗你既原意都係繁殖鼠鼠,但繁殖鼠鼠有好多問題,混種繁殖更加係易做出畸胎,只要兩隻鼠冇打死,都有交配既可能,萬一真係懷孕而做出一埋畸胎,到時可憐既唔止兩隻鼠,係一堆鼠,連你要去照顧都會慘(有d例子係半歲大忽然下半身唔郁得),詳細混種繁殖有既問題,可參考以下我回答既知識:
http://hk.knowledge.yahoo.com/question?qid=7008040101391
B.如果你買佢地既時候體形差唔多既話,在鼠店買既鼠年紀一般都唔會差好遠,而家男鼠明顯比女鼠大,好可能係一早已經係男鼠蝦女鼠
當一隻鼠霸左一個地盆後,就好易會唔俾第隻鼠埋去,咁就會出現唔俾女鼠去食野既情況,又或一齊住令女鼠感到壓力or受驚,都會令女鼠食少左野而比男鼠細隻
唔好以為佢地有一齊疊住訓就係好好朋友咁,我細個試過養兩兄弟,唔止一齊訓,仲會互舔身體,點知就在我外出一陣既時候,打到兩隻死晒,鼠鼠年幼時地盆心態冇咁重,又買返唻冇耐咩都未習慣,加上可能要了解敵人既實力再打,從而就會出現初初唔打之後打既情況,唔好睇初時冇事就以為日後就一定都冇事
打交受傷既處理方法如下:
1)有流血既話,用藥用棉花咁住傷口,用鼠專用既外傷藥同佢搽,小心唔好整到眼耳口鼻.面既傷易整到既話,可先觀察唔好用藥住
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重
3)冇受傷既鼠,都必須要仔細檢查一下真係有冇受傷
4)佢地兩隻都受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)除檢查同治療外,唔好攪鼠鼠,避免鼠鼠受驚後再驚多d,同埋可以俾多d時間鼠鼠休息
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多...盡快帶佢睇醫生啦.
8)睇醫生既話可以考慮一下
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.htm
C.其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶
2008-12-04 03:01:52 補充：
希望網友 chancat999可以尊重一下,唔好copy我既回答,我所有回答除提供必要既官方資料外(例如環保署處理動物屍體方法),都係自己親自打出唻,希望大家都可以尊重原創,謝!
