點解有D 案件多年後先起訴~~

正式嚟講, 磨該話 "咁多年啦, 都無實體証據 (Physical Evidence, 即係法醫檢驗報告, 染有男性分泌物嘅衣服, 避孕套... 等等)啫. 但唔係無証據嘅. 個女仔嘅口供咪一件好重要嘅証據囉.
強姦係一項非常嚴重的指控. 所以警方向雙方套取口供時, 會好小心處理 d 口供, 反覆再問. 如果任何一方講大話, 會被問到嗚哩單刀, 頭唔接尾. d 口供之後會經律政司睇過有無足夠証據, 先決定是否落案檢控.
你要知道, 強姦唔同殺人搶嘢, 有條屍或有贜物. 所以隔咁耐法醫驗唔到, 唔代表一定無性交過. 如果個女仔喺口供上堅持話有, 都係証據嘅一部份. 係唔係真實, 就要睇陪審員信被告或控方.
所以強姦會係高院審, 等 7 個 (或 9 個) 陪審員去一同審視 d 証據, 而唔係只由法官一個判決.