火牛的問題?........10點
回答 (3)
2008-11-29 8:31 am
✔ 最佳答案
電池叉機14V 5A AC/DC Adaptor 燒左家陣你想用14V 5A AC/AC Adaptor火牛代替不過要加整流器 Rectifier圖片參考：http://upload.wikimedia.org/wikipedia/commons/thumb/e/e8/Bridge_rectifiers.jpg/180px-Bridge_rectifiers.jpg
圖片參考：http://upload.wikimedia.org/wikipedia/commons/f/fd/Diode-photo.JPG
圖片參考：http://upload.wikimedia.org/wikipedia/commons/thumb/a/a3/Rectifier.jpg/200px-Rectifier.jpg
整流器工作原理如下
圖片參考：http://upload.wikimedia.org/wikipedia/commons/0/07/Regulated_rectifier.gif
接法如下
Half-wave rectification
Full-wave rectification
圖片參考：http://upload.wikimedia.org/wikipedia/commons/thumb/a/a5/3_fase_bridge_rectifier.jpg/220px-3_fase_bridge_rectifier.jpg
圖片參考：http://upload.wikimedia.org/wikipedia/en/thumb/4/48/Tridge_rectifier.jpg/300px-Tridge_rectifier.jpg
2008-12-02 06:57:33 補充：
回應 oliver_915
秘書長好多謝你，如果可以我可以比多D分你，冇問題，得閑出來飲杯茶啦。
2008-12-02 07:08:01 補充：
http://hk.knowledge.yahoo.com/question/question?qid=7008112800151
2008-12-01 8:36 am
因為002要趕住去起火牛房唔係好得閒，所以擺低張圖就走咗去，而家暫時由我扮佢秘書幫佢解畫。
首先，我波士唔記得咗講俾你聽整流器其實係書面語，由於佢嘅結構比較簡單，好多人認為佢根本冇資格叫做器，所以D人都會眨低佢叫佢整流子或者二極管。
我波士影咗好多整流子嘅相。
第一張相：白色軟尺旁邊嗰D係好勁好好打嘅整流子，一個可以打四個。不過佢亦都好陰濕，因為佢好似木馬病毒咁收埋咗四粒整流子喺裏面！
第二張相：黃色軟尺下面嗰粒你淨係睇佢咁硬淨嘅裝甲外殼都知道佢係俾大電流嘅重型電路用啦。
呢張相裏面除咗四隻腳嗰隻木馬之外，由上至下D整流子可以承受嘅電流係愈來愈細，最細承受電流嘅係好似單腳螞蟻嗰粒，焊佢果陣都要快手D，如果唔係會熱死佢。
第三張藍色相：我波士其實係想話俾你聽，呢種裝甲整流子可以當普通羅絲咁用，要嚟收實張床又得，收實張枱又得，型D。
不停掩掩養養咁郁，好似半正弘波嗰個圖係未來世界嘅汽車水撥，我波士硏究咗好耐先諗到呢舊嘢，不過呢D咁深奧嘅嘢，我哋唔夠班係理解唔到佢個腦諗乜嘅，所以唔使理呢舊嘢。
跟住落嚟果個Half-wave rectification中文叫半波整流，圖中左面兩條彈弓夾住一支棍嘅符號係一隻火牛嘅符號，D係整流子，R係負載。呢種綫路比較粗糙，會有比較大嘅hum聲，點濾波都冇用，不過要嚟义電用都可以嘅，可能好D添。
跟住到Full-wave rectification 全波整流嘞，你識唔識玩橋牌？你俾D想像力就會睇到嗰四粒整流子好似四個人坐喺張枱度打橋牌咁，所以呢種綫路又叫橋式整流，果隻木馬整流子就係喺呢個場合用嘞。
一般嘅插蘇電，火綫同中綫佢哋嘅極性每秒交替變換正負五、六十次，當火綫係正，中綫係負嘅時候，D電跟第一個圖走；當火綫係負，中綫係正嘅時候D電跟第二個圖走。
第三個圖喺輸出度加多一個電容﹝好似等如嘅符號﹞，漣波會少D，出嚟嘅電流好似一個平靜嘅湖咁。
跟住有三個綠色波波嗰幅圖其實即係上面橋式整流果幅圖，完全一樣，只不過劃法排位唔同，不過你千祈唔好以為我波士欺騙你；夾硬堆砌多D 圖嚟嚇你，其實佢係想你從另一個角度睇吓同一個綫路嘅另一面，等你更加容易理解。
再跟住果幅圖我波士用咗一隻中心抽頭嘅火牛斬開佢兩份嚟用，咁就用兩粒整流子都出到橋式整流嘅效果，不過要用28Volt 中心抽頭嘅火牛，重貴！慳咗兩粒糖，冇咗一間廠。
最後嘅綫路有RST三個輸入源，睇怕都係三相電路用，不過我波士未過料俾我，要等佢番嚟先作實。而下面果張相就係疑似三相整流器嘅物體嘞。
你將D分俾哂我得架啦，我會代你交俾我波士架啦。
可能你會心諗﹕我問吓用AC/AC火牛得唔得啫，你老細使唔使揾咁多嘢塞俾我呀？
其實如果唔係我扯住佢嘅話，佢一早走去中電嘅火牛房度拆咗座火牛落嚟塞入你屋企添啦！做慣大工程嘅人係咁架！
而且仲有好多網友要學嘢架嘛，係咪？
2008-12-01 01:03:37 補充：
而家以私人名義俾D意見你，如果你冇電學根底嘅話，唔好亂咁試，好容易撞板，一早正正經經買隻啱用嘅火牛番嚟點都好過引埋哂我哋呢D咁嘅狂蜂浪蠂番嚟吖，你話係咪？
2008-12-02 13:04:01 補充：
我波士見我答完樓主你嘅問題之後就冇嘢做，所以又打多個網站出嚟要我做嘢，但係唔知點解咁啱我部電腦又啱啱升緊 級做唔到嘢，所以暫時白支人工先。
首先，我波士唔記得咗講俾你聽整流器其實係書面語，由於佢嘅結構比較簡單，好多人認為佢根本冇資格叫做器，所以D人都會眨低佢叫佢整流子或者二極管。
我波士影咗好多整流子嘅相。
第一張相：白色軟尺旁邊嗰D係好勁好好打嘅整流子，一個可以打四個。不過佢亦都好陰濕，因為佢好似木馬病毒咁收埋咗四粒整流子喺裏面！
第二張相：黃色軟尺下面嗰粒你淨係睇佢咁硬淨嘅裝甲外殼都知道佢係俾大電流嘅重型電路用啦。
呢張相裏面除咗四隻腳嗰隻木馬之外，由上至下D整流子可以承受嘅電流係愈來愈細，最細承受電流嘅係好似單腳螞蟻嗰粒，焊佢果陣都要快手D，如果唔係會熱死佢。
第三張藍色相：我波士其實係想話俾你聽，呢種裝甲整流子可以當普通羅絲咁用，要嚟收實張床又得，收實張枱又得，型D。
不停掩掩養養咁郁，好似半正弘波嗰個圖係未來世界嘅汽車水撥，我波士硏究咗好耐先諗到呢舊嘢，不過呢D咁深奧嘅嘢，我哋唔夠班係理解唔到佢個腦諗乜嘅，所以唔使理呢舊嘢。
跟住落嚟果個Half-wave rectification中文叫半波整流，圖中左面兩條彈弓夾住一支棍嘅符號係一隻火牛嘅符號，D係整流子，R係負載。呢種綫路比較粗糙，會有比較大嘅hum聲，點濾波都冇用，不過要嚟义電用都可以嘅，可能好D添。
跟住到Full-wave rectification 全波整流嘞，你識唔識玩橋牌？你俾D想像力就會睇到嗰四粒整流子好似四個人坐喺張枱度打橋牌咁，所以呢種綫路又叫橋式整流，果隻木馬整流子就係喺呢個場合用嘞。
一般嘅插蘇電，火綫同中綫佢哋嘅極性每秒交替變換正負五、六十次，當火綫係正，中綫係負嘅時候，D電跟第一個圖走；當火綫係負，中綫係正嘅時候D電跟第二個圖走。
第三個圖喺輸出度加多一個電容﹝好似等如嘅符號﹞，漣波會少D，出嚟嘅電流好似一個平靜嘅湖咁。
跟住有三個綠色波波嗰幅圖其實即係上面橋式整流果幅圖，完全一樣，只不過劃法排位唔同，不過你千祈唔好以為我波士欺騙你；夾硬堆砌多D 圖嚟嚇你，其實佢係想你從另一個角度睇吓同一個綫路嘅另一面，等你更加容易理解。
再跟住果幅圖我波士用咗一隻中心抽頭嘅火牛斬開佢兩份嚟用，咁就用兩粒整流子都出到橋式整流嘅效果，不過要用28Volt 中心抽頭嘅火牛，重貴！慳咗兩粒糖，冇咗一間廠。
最後嘅綫路有RST三個輸入源，睇怕都係三相電路用，不過我波士未過料俾我，要等佢番嚟先作實。而下面果張相就係疑似三相整流器嘅物體嘞。
你將D分俾哂我得架啦，我會代你交俾我波士架啦。
可能你會心諗﹕我問吓用AC/AC火牛得唔得啫，你老細使唔使揾咁多嘢塞俾我呀？
其實如果唔係我扯住佢嘅話，佢一早走去中電嘅火牛房度拆咗座火牛落嚟塞入你屋企添啦！做慣大工程嘅人係咁架！
而且仲有好多網友要學嘢架嘛，係咪？
2008-12-01 01:03:37 補充：
而家以私人名義俾D意見你，如果你冇電學根底嘅話，唔好亂咁試，好容易撞板，一早正正經經買隻啱用嘅火牛番嚟點都好過引埋哂我哋呢D咁嘅狂蜂浪蠂番嚟吖，你話係咪？
2008-12-02 13:04:01 補充：
我波士見我答完樓主你嘅問題之後就冇嘢做，所以又打多個網站出嚟要我做嘢，但係唔知點解咁啱我部電腦又啱啱升緊 級做唔到嘢，所以暫時白支人工先。
2008-11-29 7:47 am
肯定唔得, 一個ac轉dc, 另一個ac轉ac係普通火牛, 買過個叉機Adaptor算喇。
收錄日期: 2021-04-16 12:06:52
原文連結 [永久失效]:
https://hk.answers.yahoo.com/question/index?qid=20081128000051KK01505