samsung i70 相機快門一問

Samsung i70係唔支援快門先決或者全手動曝光的,即係冇得調較快門速度.
而且較快個快門速度去防手震亦唔正確,沒有高感光度支援,只會影到一張嚴重曝光不足,黑麻麻既相.
夜晚由於光線暗,你所講既長曝光時間係正常的.手持拍攝的話由於手震關係相就會矇.夜景要影得好就要用腳架.
用腳架固定相機就可以長時間曝光都冇問題,但按快門一下動作仍有機會郁到相機,想絶對穏定要用相機的兩秒延遲自拍.
由於有腳架不怕曝光時間長,iso要盡可能低去避免引起雜訊,i70有iso 80,就用iso 80吧.
用auto的話其實都冇問題,但iso一定唔好用auto,否則相機會以為你冇腳架而幫你推到好高,就會好多雜訊.場景模式的話當然就係用夜景,夜景比起auto可能會用比較細光圈增強燈光星形效果.
對焦方面,由於i70冇得用手動對焦無限遠,唯有搵啲唔好咁黑既地方來對焦避免對焦失誤.
最後你可能睇到要用腳架已經唔想睇,如果唔怕啲相多雜訊,但求影到,你可以試下設定做iso 1600,用最廣角焦距(即係唔好zoom遠),搵啲嘢借下力就咁手持影,盡量握穏部相機,記得用埋兩秒延遲,相一定會好多雜訊,但矇的機會較小.唔駛較快快門,因為自動機一定會幫你開盡光圈,即係快門已經最快.
以下網頁有部相機既規格.
http://www.dcfever.com/cameras/fullspecification.php?id=814