有關2009年non jupas的時間

除嶺大、城大及理大到12月初或中先開始報名外, 其他大學已經開始接受報名, 截止日期可以到參考資料裡的網站瀏覽.
方法通常係書面及網上報名, 兩者選擇其一便可.
書面申請就要去大學有關部門或郵寄索取報名表(只有小部分大學有)及章程, 填完後親身或郵寄表格及證明文件交到大學有關部門. 如選擇郵寄索取報名表, 有些大學會要求學生提供已貼好足夠金額的回郵公文袋, 你最好打去大學問清楚要幾多郵費, 因為大學會寄起碼一本類似章程的物體比你參考, 所以$1.4郵費一定唔夠.
網上申請比較簡單, 先去大學網頁, 然後到Admissions或者關於本科生入學的網頁, 之後選擇undergraduate admission (如有), 之後會慢慢教你開account填資料. 其實各大學網頁設計得容易使用, 你無論如何都要自己學懂如何申請, 有唔明先問. 作為準大學生, 你要學識自己搵資料, 因為大學係強調自主學習的地方, 唔似中學咁只係狂塞資料比你.

2008-12-01 08:07:11 補充：
書面申請(親自交表)就要在辦公時間內交或放入投遞箱, 郵遞交表(通常以郵戳日為準)就係你截止日期前交到就得, 都係有人辦公時間收信. 網上報名24小時都會收表, 不過deadline當日可能會提早截止收表. 呢D野大學網頁已經有講, 你唔識上網睇?