有哪些歷史人物真的文武雙全?

曹操就係真正既文武雙全既天才。曹孟德軍功高係人都知，其實佢文材一流，係佢個年代，可以同佢比較既就只有佢嗰兩個仔，即係曹丕同曹植。事實上，佢地三父子係歷史上一直係漢朝末年既文學代表，亦即係所謂“建安文學”。建安係漢獻帝既年號，而當時既文學作品仍較多為識既，大部份都出自佢地父子手筆，曹家一門三傑，係歷史上實屬少見。

2008-12-02 19:38:25 補充：
樓主既補充問題非常好，但要留意，西方人無好似中國人咁簡單地將人分開成“文”或“武”。事實上，西方好多名將都唔係純武夫，而係文武兼善(louis又再一次顯示佢對西方歷史既無知)。最早既例子有亞歷山大大帝。稍為有讀過下西史既朋友都知大帝師承亞里士多德，而呢位大儒既師父同師公分別係柏拉圖同蘇格拉底，所以大帝係絕對正宗既希臘學界名門之後，講文化根本無人可以同佢鬥。

2008-12-02 19:46:16 補充：
咁大帝既武學師父係邊個﹖亞歷山大十六歲當兵，直接師承橫掃全希臘既父王菲利普。但唔係咁多人知大帝既師公係咩來歷。佢係底比斯城既猛將艾帕米隆達斯。係馬其頓興起之前，底比斯曾經短暫稱霸希臘，原因就係因為艾帕米隆達斯帶領大軍大敗斯巴達。菲利普年輕時因為馬其頓國力弱而去左底比斯做人質，但艾帕米隆達斯無睇佢唔起，仲教左佢好多行軍打仗既知識。後來艾帕米隆達斯突然戰死，底比斯即時衰落，而菲利普就憑所學統一希臘，亞歷山大直接師承希臘歷史上兩個最偉大既猛將，所以佢既文武全材可以話係前無古人，後無來者。

2008-12-02 19:50:45 補充：
亞歷山大之後有凱撒。凱撒既“高盧戰紀”傳頌千古，証明佢有少見既文學修養(呢本書係二千年後既今日都繼續有得睇，去公共圖書館有得借)。而凱撒亦係羅馬有高明政治手腕既政治家，而佢既軍事才華亦係人所共知，所以佢亦稱得上係文武全才。

2008-12-02 19:59:15 補充：
羅馬之後要過好耐先至有一啲文武全才既猛將。小弟一向認為瑞典國王古斯塔夫係其中既早期代表。呢位早逝皇帝從來都唔只係一介武夫，佢係優秀既政治家，瑞典係佢治下成為歐洲第一強國。可惜既係佢同亞歷山大一樣早死，佢係一場戰役入面係前線衝鋒其間比人一槍打死。有趣既係古斯塔夫既寃家對手華倫斯坦亦係一位傳奇人物。呢個人係難得既才子，佢唔單止有文化修養，而且華倫斯坦本來係生意人，唔知點解無情情去左當兵，點知又比佢贏左幾場仗，佢係當時歐洲最出色既軍人之一，佢同古斯塔夫實在係一時瑜亮。後尾兩雄相遇，瑞典大勝，所以先至令華倫斯坦無咁出名。但佢好似剩係輸過比古斯塔夫一人，所以華倫斯坦亦係出色既將領。

2008-12-02 20:07:56 補充：
唔知點解十七、十八世紀既歐洲硬係出咁多文武全才既猛將，最無得頂既係佢地通常都係一國之君。係古斯塔夫之後就有德國既民族英雄腓德列大帝。腓德列係真正既文武全才，佢靠自學可以學到拉丁文、希臘文等艱深語文，而且仲要瞞住佢嗰個變態父皇。佢一樣係十六歲當兵，但厲害既係佢係從基層上尉做起，佢老豆腓德列．威廉完全無優待佢，所以腓德列受既係非常紮實既正統軍事訓練，剛好當時既普軍係威廉既治下極為有效率及戰鬥力，所以腓德列係做軍官嗰幾年慢慢變成一個優秀既指揮官。後來佢繼承大統，用普國極有限既兵力，係十個煲得五、六個蓋既左右為難情況下同全歐強國對戰，仲要贏埋，令腓德列大帝成為耀眼既猛將。

2008-12-02 20:13:11 補充：
但腓德列無論點睇都唔似一個武夫，佢本質上係一個學者，只係迫住要去打仗。佢極為重視普魯士既學術發展，成立左好多大學同推動左好多學術研究。作為學者既佢將軍隊專業化，依家世界公認現代各國陸軍既參謀制度都係來自腓德列既普軍。而佢晚年亦親筆將佢既作戰經驗結集名著“一般戰爭原則”，入面記載左佢名揚天下既理論“斜行序列”，呢本結集左實戰經驗及理論既巨著令腓德列唔單止係一個軍人，亦令佢成為一個軍事理論家。

2008-12-02 20:19:13 補充：
腓德列之後有拿破崙。大皇帝完全封左腓德列做偶像，但其實佢自己係學術修為上都好犀利。拿破崙係一個一流既軍事史學家，基本上由亞歷山大直至佢嗰個年代既戰史佢都讀透，佢成日叫人詳細研究歷史上一系列名將(上述所提幾位名將全部包括在內)既大小七十幾場戰役，佢咁講得即係佢有咁做，你唸下要完成呢個工作背後要花幾多工夫﹖仲有拿破崙既數學一流，佢尤其精於計算彈道，呢樣野令佢係土倫港大敗英軍，一躍成為歐洲第一名將。

2008-12-02 20:28:38 補充：
拿破崙之後就少左呢啲咁精彩既人物，但有幾個都值得留意。一生將六個南美國家由西班牙手上解放出黎既西門．玻利法(Simon．Bolivar)唔單止係優秀既軍人，佢未當兵之前係一個當地處於上流社會既正宗貴族，文化程度就梗係唔駛講既高。之後係第一次世界大戰帶領阿拉伯遊牧民族打敗土耳其人，人稱“阿拉伯的勞倫斯”既T.E.Lawrence，佢畢業於牛津大學英文系，精通英國文學及阿拉伯話。佢寫自己係阿拉伯經歷既嗰本智慧七柱(Sever Pillars of Wisdom，公共圖書館有得借)，係當時風靡全歐既暢銷書。雖然有人話佢誇大自己既功勞，但佢係阿拉伯軍入面既關鍵人物就應該係事實。

2008-12-02 20:31:02 補充：
係第二次世界大戰帶領廿幾架B-24由黃鋒號航母起飛去炸日本既杜立德少將(Doolittle)係美軍出名既飛行員，但佢係當兵之前已經有博士學位(聽聞好似唔止一個)，佢係美軍少見既高學歷前線軍人。

2008-12-02 20:35:48 補充：
仲有我想話比louis聽，唔該你唔識野就唔好侮辱西方偉大既軍人，佢地既英勇絕對唔係你呢啲小朋友可以想像既。據記載，亞歷山大可以同時比四、五個人圍攻，仲要有個人係佢後面一個大斧頭劈落佢個頭盔，令佢無左半個盔，好彩有個近衛兵救左佢先無事。仲有一次攻城，亞歷山大係馬其頓軍第一個衝上城樓既士兵，點知佢比敵軍一箭穿胸而過，即時昏迷不醒，又係因為有部下救番先無事。

2008-12-02 20:37:45 補充：
另外亞歷山大既父皇菲利普因作戰無左一隻眼、一隻腳齊膝以下被鋸去、仲要無埋成條手臂，呢個人夠唔夠英勇﹖

2008-12-02 20:45:10 補充：
拿破崙未做皇帝之前有一次帶兵想衝過一條橋，但由於敵火太強無人敢衝過去。於是佢立刻豎起一面法國旗，第一個帶頭衝過橋，點知敵軍炮火立刻打過來，拿破崙立刻被轟落橋並跌入河中。係就黎被河水沖走之際，一個士兵奮不顧身跳落河救番拿破崙上來，呢個士兵就係之後名揚天下既法軍猛將，第五軍軍長藍納元帥(Lannes)。藍納既英勇屢建奇功，但後來始終上得山多終遇虎，係1808年作戰受重傷，到1809年逝世。

2008-12-02 20:49:26 補充：
上文提到古斯塔夫逝世都係因為係戰場上比人一槍打死，咁既人係唔係懦夫﹖如果連呢啲人都唔算英勇，louis實在要惡補下古斯塔夫既後代，瑞典王查理十二世既戰史。查理十三歲當兵，十五歲做國王，佢可以係一隻腳掌裂成兩半既情況下指揮全軍作戰，雖然後尾戰敗，但查理既英勇實在令人汗顏。

2008-12-04 20:10:17 補充：
據小弟所知，張飛唔係一個無文化既人，但係唔係飽學大儒就唔知道。我讀過既書話張飛出身自富有人家，離開屋企之後就靠做生意為生。不過睇黎所謂既生意做得唔大，因為佢當時都要雲遊四海週圍去。之後佢巧遇劉備先至去左當兵。我估計張飛既教育水平應該係完成左幾年卜卜齋既基礎教育，但應該就唔係精通琴棋書畫既才子。

2008-12-07 20:24:16 補充：
louis始終都係鐘意老作歷史。西方軍人鐘意玩陣法﹖！西方人既陣法反而無中國人咁複雜，我前兩日有事去中大，係新亞書院餐廳樓上有幾塊展版係度介紹中國古代既陣法，中國古人陣法既精密及多樣令小弟大開眼界，反而鬼佬就無呢啲野，louis你都係睇多幾本書先出黎吹水啦。

2008-12-07 20:28:36 補充：
仲有louis為拗而拗既功夫真係無得頂，最緊要係你完全唔做功課就出黎亂吹水。你知唔知我講嗰個馬其頓係邊個國家﹖louis小弟弟，聽書啦，記住佢唔係中世紀歐洲國家，佢係二千年前既希臘國家，希臘國家既軍人係唔會好似中世紀騎士咁由頭到腳都由精鋼裝甲保護，所以佢地係作戰中受傷一啲都唔出奇。

2008-12-07 20:33:47 補充：
louis小弟弟，你睇軍事既資歷尚淺，仲未知道咩叫身先士卒。你肯定無聽過邊個係塔爾(Tal)少將同沙龍(Sharon)啦。等我教下你，佢地兩個都係以色列(louis你知唔知以色列係邊﹖)既傳奇猛將。塔爾係以軍裝甲部隊總司令，理論上唔駛落場打，但佢每年一定去靶場親自打靶，目的就係要証明自己係全以軍用坦克炮最厲害既軍人。沙龍打西奈半島時已經係大軍統帥，佢一樣係最前線帶住以軍打埃及軍，louis你以為個個都好似你咁怕死﹖

2008-12-07 20:45:17 補充：
私人醒你多一個故仔。基爾係納粹黨衛軍既上將，統領整整一個裝甲軍團，手下超過十萬人。(louis知唔知上將有幾高級同埋軍團有幾大﹖)有一次佢坐一架坦克到前線指揮作戰，番來時被一位手下少將見到。由於基爾只穿上普通坦克兵既制服，所以嗰位少將不認得長官。

2008-12-07 20:50:24 補充：
嗰位少將見基爾指揮作戰非常英勇，但見佢從一架坦克走出來，就以為他只是一位少尉，於是少將說﹕“這位少尉打得好”。後來經了解才知道基爾是軍團長。louis，唔好以為基爾係二打六，佢唔單止係上將軍團長，而且佢係納粹德國最高榮譽既鑲鑽橡葉寶劍騎士鐵十字勳章既得主，軸心國一千萬軍人入面只有二十七個人得到。你覺得呢個人夠唔夠高級﹖但佢仍然經常係第一線作戰，隆美爾(louis你知唔知隆美爾係邊個﹖元帥又有幾高級﹖)就算高昇至元帥都經常係非洲敵後偵察。louis你連身為一個領袖要身先士卒去激勵士氣都唔識，睇黎你將來都係做二打六多。

2008-12-07 20:58:03 補充：
我知louis你一定會條氣唔順，但我係唔會好似你嗰個唔識野既阿sir咁讚你既，因為你太鐘意老作歷史，又唔讀書，甚至連維基都懶得睇。仲有，係呢度都係傾下計姐，我係度從來都好隨便，有時講錯野一啲都唔出奇，有其他高人指正就得啦。我反而勸louis你唔好咁激動，同埋真係睇多幾本書，唔係十幾歲就激壞身子就唔係幾好。

2008-12-10 16:42:10 補充：
對於文武全才既標準，小弟認為對何謂“武”人必須要有一個確實啲既定義。因為做一個文人其實唔難，尤其是係政軍界有頭有面既人物無可能完全無文化，但要真正有武功(唔係解功夫，而係指軍事才能)，小弟認為嗰位政治人物必須要係一個正規既軍人先至有談論既價值。如果掛個名既司令都當佢有文治武功，咁呢個世界每一個國家領導人都會被計算在內，咁好明顯唔合理。

2008-12-10 16:44:25 補充：
我個人覺得李世民係真正既文武雙全既天材。佢十八歲跟隨父王起兵，事實上佢係唐軍第一號猛將，唐朝半壁江山都係佢打番黎，所以後來佢繼承大統都好合理。

唐朝既李世民當然算啦,,,
佢唔單只係一個出色既政治家而且仲係一個出色既軍事家

諸葛亮都係

你一講呢樣,呢種人其實唔少,好似好出名既曹操,係佢初期打黃巾既時候,衝鋒陷陣,表現出佢既勇猛,至於佢既智謀更加唔洗講,佢本「孟德新書」更加係好多後人都會睇既軍書,另外,周喻亦可稱得上為此等人物,佢年輕有為,係孫氏第一謀臣,係孫策當初舉兵江東個時同孫策一齊打天下,佢係水上面既勇猛亦不容置疑。陸抗,東吳後期名將,佢既智謀比佢父親陸「信」更加強,而且自小習武,作戰時常常置於前陣,力抗當時另一名將羊祜。

2008-11-30 15:57:18 補充：
樓主,好抱歉,只怪古代西方人打仗都係玩陣法,主帥根本唔會衝鋒,所以好難講俾你聽...拿破崙可能係唯一例子......

2008-12-07 13:00:12 補充：
你好似冇睇問題就係到發瘋鬧人,依家問題係問有咩人文(軍師)武(猛將)雙全,你睇下樓主寫咩先講,仲有,你冇理由唔知西方人打仗淨係識玩陣法呀?其實呢樣唔怪得佢地,鬼叫歐洲大部分地方地勢平坦,唔玩陣法仲可以玩咩?中國就唔同,中國好多地方地勢有幾險要大家應該都好清楚,造就左中國人可以利用地勢發揮佢地出色既計謀。

2008-12-07 13:00:16 補充：
唔知steven呢位人兄有冇睇過講關於西方人打仗既書呢?人地打仗,排好陣(多數係方陣),士兵就向前沖,主帥就坐係後面睇住佢地打,俾指令,基本上唔會落場打,落得場打通常都係逼不得已,俾人逼到冇退路,不過steven好膚淺咁話亞歷山打幾個人就好勇,冇錯係好勇,但係題目係話猛將,俾人打到咁狼狽,好明顯就係唔打得,咁仲點稱得上係猛將?

2008-12-07 13:08:19 補充：
仲有,我冇講過西方人d士兵唔勇猛,我係話主帥冇邊幾個勇猛又係好軍師,政治家,唔該你唔好次次斷章取義,呢d行為只有無恥小人先做。
「另外亞歷山大既父皇菲利普因作戰無左一隻眼、一隻腳齊膝以下被鋸去、仲要無埋成條手臂，呢個人夠唔夠英勇﹖ 」西方主帥既裝甲係用精鋼打造,面罩更加係硬到狂斬十幾劍都唔爛,裝備咁好都搞到咁,未免太唔好打啦掛?
我終於知steven有咩問題,自大個d唔洗講,不過肯定一樣野就係佢係有讀寫障礙 ,唔睇清楚人地講咩鬧人,唔睇清楚題目就以為自己答一堆字就perfect。菲利普係英勇又點?佢稱唔稱得上係猛將就真係有所保留(我個人唔認為)

2008-12-07 13:09:47 補充：
最後,請你留意題目係問猛將軍師集於一身既人,唔係你講咩勇呀,政治咁個d,你最好睇下醫生,你依家出左社會,讀寫障礙對你黎講係你向上爬既一個超大障礙

2008-12-08 22:01:17 補充：
steven好鍾意自把自為,我玩西人玩陣法,唔等於我玩中國唔玩陣法架!你冇事呀?我當然知中國d陣法強過西方好多啦,如果唔係點會咁多其他國家既古代武將(日本戰國最多)學中國陣法?

2008-12-08 22:02:36 補充：
最後,唔洗我多講,大家睇下steven個記錄就知有幾多人同佢嘈,我本人既記錄都有同人嘈,不過淨係同steven一個囉,相反,steven就數唔清咁多個........

2008-12-08 22:03:19 補充：
仲有,樓主你依家改問題意思..........真係冇法

2008-12-08 22:06:13 補充：
我話君主著鋼甲係話佢地會有好好既保護裝備,就算你話philip個時斬有銅甲啦,淨係識捉字「失」

有哪些歷史人物真的文武雙全?

有宋朝的岳飛,明朝的袁崇渙,清朝的曾國藩.

這些都是正史上有名的文武雙全人物

2008-11-29 23:16:01 補充：
英國邱吉爾,法國拿破崙和早期的亞歷山大大帝

2008-12-09 01:39:25 補充：
像樓主這樣說三國滅蜀的鄧艾,唐朝的李世民算不算?

如果說算.那麼整個中國歷代的名將和開國君皇都是文武雙全的人物了.

是文治武功還是文治武略?

那麼秦朝呂不韋,明朝劉伯溫又算唔算?