買二手居屋如何可免補地價?

你男友以單身人仕申請公屋, 如果30歲以下, 起碼等8/9年, 雖然可以即刻以綠表買居屋, 但那是 8/9年後之事了.
可唔可以用個申請公屋NO當綠表申請居屋架？當然唔可以
或是一定要公屋住滿幾年先可以用綠表買居屋啊？ 樓上網友講得啱, 上樓前1年可以申請綠表資格, 但都係要再等 8年左右.
唔洗煩, 先註冊, 即刻入表加名申請公屋, 等多2年左右, 即可以申請綠表資格, 免補地價買2手居屋.
咁你究竟想結緍時有居屋或公屋住, 定係堅持要註冊擺酒一日過, 但註冊後要租樓住2年等上公屋, 再買居屋.
你再睇下你男朋友有幾多分, 現在單身人仕要 以下分收才可以配樓, 你先計下再等幾多年 :
個別申請地區內登記在公屋輪候冊「配額及計分制」非長者一人申請者已接受配房的最低分數為：143分（市區）、133分（擴展市區）、135分（新界）、118分（離島）

首先，不論邊一區，都沒有不用補地價的二手居屋給不是綠表的申請人。
因為你兩個未結婚，你係唔可以加入你男朋友既公屋申請表。
如果你男朋友已經核實合資格入住公屋，並會在一年內到期獲編配公屋的公屋輪候冊申請人，都可以申請綠表資格證明書。咁就可以唔駛補地價去抽剩餘居屋。唔一定要住滿幾多年先申請得。