勞工法例(有關年假同病假問題)

我之前都試過問過勞工署
其實你所問既問題，全部都冇法例規定既，而且全部都係由公司去決定
細公司得十幾廿人，比你由年假改做病假都唔會麻煩，甚至自己直接同人事部講就得喇，人小做起野上黎都方便D
不過大公司有幾百人甚至成千幾人，一日有幾十人請假，個個請完年假都話要轉做病假，咁個人事部咪好唔得閒？
講埋黑雨同8號風球，最近先問完。係僱傭條例入面，黑雨同8號風球都冇一定話個個都唔使番工架 (你見好多卡拉OK同茶樓都會照開啦)，有需要人士都一樣會照番工。而且果日亦冇列明係黑雨假期或者8號風球假期，亦即係話果日都一樣係工作日，只係因天雨關係，你既公司唔需要你繼續工作姐
所以若果你果日係拎左年假既，無論黑雨又好、8號風球又好，10號風球都好，你都係放緊年假。只不過係工作緊既人因天氣有可能轉壞，會冇車番工或者番屋企，所以先提早放工或者唔使番工咁解
至於公司會唔會將你拎左既年假取消，就真係要睇公司有冇規定喇。正如第一位所講，比你係人情，唔比你係道理
另外星期六放假方面，我問你好簡單既一個問題，你星期六係出全日糧定出半日糧呢？如果你係出半日糧既，你果日放假，公司扣你一日假就有問題。若果你係出全日糧既，公司扣你果日放一日假，都冇大問題姐，因為你真係一整日都冇番工丫嘛
僱傭條例都冇講明星期六番半日只可以扣半日假，雖然有D公司會只扣半日，但係呢D係佢公司既做法，每間公司都有唔同既規定，若果你有不滿都冇辦法.....

假如，在早前已經取年假(11月25日)，假設，在那一天生病了，是否不能夠把年假轉為病假？有那一條勞工法例講？

- 冇一條勞工法例有咁講，但呢個係common sense同個人責任感問題。假設你唔係放一日假而係五日，咁你第三日病咗喎，唔通就可以將呢日變為病假? 你放假發生咩事公司都唔會管，包括病咗。

曾經有人在10月31日取消11月1日的年假，11月1日取病假，這個又可以？

~ 冇話唔可以，如果過得到自己又唔担心俾老細懷疑嘅，冇話唔得，揚啲啫。

那麼，如果在11月25日早上打電話取消年假，改病假又可以嗎？

~ 如果我係老細就一定唔俾，你放假病咗係你嘅事，你本來都已經話咗嗰日唔返，咁你病咗關我咩事。

如掛黑雨或8號風球以上，取咗年假係唔係一定取消唔到？要當年假計算？

~ 同病咗一樣，sorry，放緊假就係放緊假，發生咩事都唔關公司事。

但點解有d公司又可以唔計年假？我公司又一定要計算年假？那條法例講？

~ 唔計係人情，計係道理。

星期六返半日，但係取年假又要計一日(有d公司又可以當半日)，法例係點講？

~ 勞工法例係冇半日年假呢樣嘢，都係嗰句，俾你當半日係人情，唔俾係道理!