阿妹刮花我部電話,我想報警

今日我同朋友傾緊電話時,我妹又想用電話,我就借左我最心愛既ku990比我阿妹用
點知佢一用,就自把自為地除左個機套,到還返比我果陣,我發現就條好深既痕,刮中ku990鏡頭外圍既金屬
於事我就嘈,我細妹一d歉意都冇,一直對住部電腦咩都唔講
明明好地地,借比佢講一陣,又突然除左個機套,而個花痕就係佢除個機套時造成,我平日除機套都特別小心
我阿爸又開始講野,死都係到幫住我阿妹
又係到搵藉口話個鏡係金屬既野先整得花,又話唔關阿妹事,講講下又係到搵叫我唔好住係佢到黎達我,又叫我賠返以前買過比我既野但我又整爛左,最後仲屈返我話係我整花係到搞事要佢地賠錢
我話報警佢就話告返我恐嚇細路女
最後我呢個受害者反而變成被罵者,心愛既電話比人整花,仲要同老豆嘈,整花我電話果個人就咩都唔理
而我細妹由細到大都不停整爛我d野,我阿爸就由佢細到大都係到照住佢,今次仲整花我自己存左好耐既錢買返黎既電話
我阿爸又係到借頭借路又話佢買電腦比我
而我細妹我以前都對佢好好,但佢就成日關門哩係房,連msn都唔比我
仲成日發火時就話我唔係佢阿哥,今日我真係忍夠
嘈下嘈下又嘈左去離左婚搬左出去住既老母果面,我老母又係只係疼我阿妹,我話我要報警,佢仲大我"你要報咪去報囉,而家去報都得架,駛乜等到第二日"
我而家真係越黎越憎呢個垃圾家庭