點解黑暗中冇一點曙光...!?

好耐冇講講過我入邊既感受:

其實有件事收埋我心入邊好辛苦..我唔知道點解決..
可能好多嘢都係我性格問題..所以先至冇物人鐘意我/3\
可能冇人教過我點做人..我從來做既嘢都係自己唸出黎..
我冇受過屋企人既教育..細個都係同婆婆住大陸農村長大生活..
婆婆好錫我..經常提醒努力讀書..
但好境不常..婆婆在我十幾碎係一場交通意外中死佐..

媽咪在大陸都係做家庭主婦..來港後,難找工作又沒有學識..
老豆又就黎70碎..夜晚做看更..工資微簿..
媽咪只可以做操重又辛苦既苦力工來維持屋企生活開支..

前幾年老豆經常發皮氣..可能因為屋企負擔沉重,壓力大,
家中有3女1男..我同2家姐,細老仲讀緊書..
大家姐批唔倒黎香港,唔可以一家團聚..分格兩地..
亦唔可以黎香港工作幫輕屋企..
媽咪又唔係經常有工番..老豆又剛剛失業..
屋企收入唔隱定..又要生活..後來拎取綜援..

上年我同家姐都決定放棄讀書..想靠自己同減輕屋企負擔..
(當時家姐讀完中5,我讀中3)亦停止綜援..
剛出社會工作1年..今年老豆又不幸地患上caner..皮氣亦收歛佐好多..
住院費..醫療藥費..屋企人開支全部都係講錢..
而我同家姐月薪8千..而我同家姐仲好想讀書..
但一唸到屋企環境甘樣..學費又貴!(又負擔唔黎)
讀得書黎..又俾唔倒屋企錢..俾倒屋企錢黎..又讀唔倒書..
社署又幫唔倒我地d咩..樣樣都話要沉查..又要點樣點樣..條文
我老豆老又眼花又有病..媽咪字都唔識多隻..社署都系球其做個樣俾人睇..
政府實際幫倒我地d低下階層真係不足..

真係愈唸愈灰..