會考完好迷茫，而又想投身會計行業？

這要視乎你想做會計行業邊個職位.
如果你想做公司account clerk, 最少中五學歷、考到LCCI中級證書及懂得電腦操作係必需. 愈來愈多公司請會計文員要求中六/中七/文憑/LCCI高級學歷. 今時今日如果你無會計文員工作經驗係好難搵工.
如果你想考牌做專業會計師, 你就要去會計師樓工作, 因為HKICPA只計會計師樓全職工作經驗. 中小型會計師樓請人最基本要求係會計高級文憑畢業. 比較大的會計師樓最起碼要大學畢業, 最好就係本地大學畢業.
所以無論如何, 我建議重考會考, 中英文必須合格, 最好升到中六中七再上大學. 如果你只係想做account clerk, 最好有預科/文憑/高級文憑學歷, 加LCCI高級合格. 我唔知出面會計課程認受性如何, 所以我唔會推介任何課程.
讀會計要睇好多英文, 有些甚至無中文譯本, 所以你英文差會讀得好辛苦.