我想問以下邊種狗適合新手養??

約瑟爹利及長毛芝娃娃身型嬌小，管理上比較易，但小型犬先天性自我保穫意識特强，接收訊息較敏感下，會以先聲奪人發出警告，所以比人既感覺會係愛吠叫既，若日常無太多時間管教既話，習慣吠叫日久便難以教回。
史立沙屬獵犬類，但凡獵犬種天性一般都較活躍，在拾多年前由史立沙種會做80多種動作既主角(Ｂoby)在地鐵廣告帶起，由於興起有價，在濫交亂配下時至今日其性格以大如前般穩定，急燥愛吠以成常見事，飼養史立沙日常須給與較多運動時間，樣其消耗多點體力，否則會係幾攪家架。
玩具貴婦狗，顧名思義係玩具，育種設計者原意都係以觀嘗及伴侶犬為原則，基本性格會係開塱活潑好動而小吠叫既，最大特色係呢種狗唔會掉毛，其新陳代謝會以段生長形式作替換，所以其毛量會生長較快，屬易養既一種。
以上幾個犬種以查理斯王騎士犬為最佳，由於多年尼未被興起過，濫交情況小有出現，至令其溫純不愛吠性格保留落尼，毛量中性太厚，管教及飼養上都太麻煩，什式合一般家庭飼養。
基本上養任何犬種都有各人既主觀性，但冇經驗就必須選性格好既尼飼養，須知人既好多規矩在狗既世界係唔存在既，在頭一年内會係苦樂參半，必須明白幼犬時期既董事、好奇、牙癢咬物、攪家搗蛋係理所當言既，須耐心誘導才能得到當中既樂趣架。
養狗第一大問題就並唔係食乜糧，用乜補品，而係幼犬回家就須教會其上廁，呢點係大部份初養者所忽略既，亦係大部份犬隻被棄養既主要原因尼，而解決大小便問題，能單靠上街方便，如遇打風連日雨，那你個Ｂ可慘囉。
當決定飼養任何品種犬隻時，便須先行備好廁所用具，所謂廁用具並非市面上出售既狗廁，因呢種現成狗廁呎碼小，好多時犬隻只會像徵式用前腳踏上便解決掉，尿液永遠沾滿週邊，所以係切實際的，而市面上有一種叫豬仔板的廁板《任何一家售賣犬貓店都能見到的，犬籠内地上白色格仔便是》，呎碼有1Ｘ2呎及1Ｘ3呎，按你所需而備，一般放於廁內地上方便清洗為佳，而呢種豬仔板能有效誘導幼犬於上大小便，因大部份犬隻皆於寵物店而回，早以慣在豬仔板上開大小，而犬隻亦有慣性習慣，即係話只要狗隻進門於某個地方角落大小過，下次好大機會又再重覆，亦幾難改變呢種〔被人認為既壞習慣〕，為何這樣講呢，因人既好多規矩，在狗既腦海裡係理解、存在既，所以一進門便須刻意誘導，如：可即時放於地上，任意自由走動，
萬一疴上一次，以後便容易再犯，〔刻意誘導〕即困於預設廁所上一兩天時間，讓它適應後才自由活動，萬一在別處地方有大小便亦只能以鬧喝止，不能以打，如以打方式教導，當然亦可制止壞行為再现，但日久在狗既心靈內便會產生恐懼感或畏縮行為，所以係不可取既。
初養者最好選取小形種而又小吠叫品種作飼養目標為佳，但小型犬大多喜吠叫，以狗隻而言，越係细小品種越中意吠叫，呢D亦係顯生自我保護才能之一，耳朵接收能力亦係超靈敏，些微声量即能分辨喜惡而發出警告或通知，而吠叫亦係以先聲先奪人，或通知主人尋求保護。
而另一保護能力，在外形及相貌上，長相特Q有楚楚可憐之感，令人愛不釋手而不忍傷害，呢D都係细種狗自我保護?意識型態。
而吠叫声只需從小時開始控制，預有吠叫即大声喝止，必須讓其明白對與錯。
而初養者亦以選取雌性為佳，常態雌犬在生理上較小受外來氣味刺激而行事，較雄犬定性專心，服從性較高，所以在服從比賽中多揀選雌犬為訓練對象，而公犬則剛好對反，並有增雄心態，成長後受體内激素影響會於家内四週洒尿標記圈地，呢樣係最難教既。
一般情況，狗糧裹已包含著佢每日所需營養，而無必要另外再加添其它維生素，而在市面所賣既如美毛油、美毛膏、補乜補物既藥物，在我飼養經驗感覺中，根本幫助唔大，在物質豐裕既社會裹，呢D產品治療人既追求心理多於幫助寵物成長，在你飼養經歷多時，便會理解到犬種既毛量及骨架大小，外型觀感，係由優質犬種遺傳所出，而非靠藥物而成的。站在飼養角度上，只須用輕鬆平常既心態，別過份溺愛保護，別給太多不必要既附助食品，須知動物既自生免疫能力比人強得多，而在人為過份保護下，反會另其倚賴藥物幫助而致免疫系統功能衰退，當然附助藥物並非絕無功能，大型狗由於體重及活動量大，須適量加添鈣，而小型種吸取狗糧份量以足夠，在其年長時每星期添加適量鈣粉及維他命，亦係無可口非既。飼養上最大原則，勿整日控制其自由活動，讓其精神感覺輕鬆，適量飲食與運動，別用金錢能力，買D不必要既附助藥品尼代表你既愛，如能做到，巳係最佳飼養方式。

約瑟爹利-這種狗有些會很聰吠,但很多都很乖,會聽主人命令。(唔甩咁多毛)(可考慮買)

史立莎-史立沙很聰明,只要聽到主人命令,就會去做。(幾好,新手適合養)

玩具貴婦狗-本人依家都有養,一隻四歲、一隻十一個月大,不過成日都吠。(如果住屋村或警察宿舍就唔好養,因為會比人投訴)

其他品種唔係咁清楚,幫唔到你。對唔住!!!sorry!!!

如果是新手當然比較建議養小型犬種。

約瑟仔、史立莎、芝娃娃都是入門之選。因為這幾種狗一般都比較聰明，而且較普遍。

不過…其實我想說閣下想養的這類型犬我都覺得比較難打理（查理斯王騎士犬不太清楚…不知道是哪種），約瑟、史立莎、比熊、貴婦、長毛芝娃娃都是要主理「毛」的問題。

約瑟︰長毛（常梳理麻煩）
史立莎︰淚腺分泌旺盛要經常清洗臉部（麻煩）
貴婦︰髦毛（難梳）、淚腺分泌旺盛要經常清洗臉部（麻煩）
比熊︰毛厚又白（香港養唔靚）、貴！
長毛芝娃娃︰常梳毛（麻煩）

長毛狗要面對都是甩毛問題，尤其季節交替的時間。簡單來說，凡是有毛的都會掉……

要說哪種狗的吠聲較弱…其實芝娃娃、約瑟、史立莎都是醒目狗…醒目狗自然多「說話」…而且尖嘴狗聲音多數較尖。當然主人亦可以訓練牠們少「說話」…

不過如果閣下想養狗，不妨先嘗試養些短毛狗吧，例如八哥，熱情而且吠聲低沈，胖胖的其實很可愛。 ^ ^

2008-11-26 14:01:19 補充：
其實如果考慮住屋問題，還是建議閣下養約瑟或芝娃娃吧。史立莎比另外兩種體型大點點，而且要替牠修剪毛外型才漂亮（我稱為「地氈裝」）。

約瑟爹利--好貴`會周圍痾尿`
史立莎--我覺得吾錯`但係要成日同佢梳毛`
玩具貴婦狗--會麻煩d`因為佢個耳仔好易發炎`
比熊&查理斯王騎士犬--我對喱兩隻狗既認識吾深`(不過都應該會吠得較大聲`)
長毛芝娃娃--都係會甩毛架啦`同埋會好尖{把聲}

總括黎講`我覺得新手先養d易打理d既狗先(冇乜特別易患上既病)`
同埋係短毛既狗係最好既`
如果一定要係上面簡一隻既我覺得史立莎會好d`
因為首先佢隻種係冇乜好易患上既病`同埋佢吾會甩好多毛(可以係毛/短毛都得)&佢本身個種係動靜皆宜`
所以我覺得新手養史立莎會好d`