杰,,快黎幫我!!我屋企的小銀狐尾巴流血!!!!!(22分)

A.籠既紙係咪指紙砂?有部份紙砂含有既雜質比較多,有朋友買過一包鼠店放在門口推銷,話可以俾鼠用既紙砂(忘記左係咩牌子),之後發現有好多雜質都係好尖銳,還好在佢用之前已經阻止左;就算買到d好靚既紙砂都唔建議俾鼠鼠用,以倉鼠既體型去睇,紙砂太大粒,又硬,好易整傷鼠鼠隻腳仔,試想下日日夜夜行既路就係咁凹凸不平,就可以知道唔會舒服呢,而且紙砂唔可以俾鼠鼠去做窩
紙砂即係貓砂,係為貓而設計,睇返貓同鼠,體型相差咁大,居住環境又唔同,點可以用貓砂作為鼠既墊材?
多數推銷貓砂就係話冇咁大塵,又平,但其實買d貴d既木糠一樣可以冇咁大塵,平既話雖然做唔到,但好過用貓砂之後整到鼠鼠腳,鼠鼠受傷辛苦之外,要帶鼠鼠睇醫生都唔止呢d錢啦
有d鼠仲會因為行得唔舒服而盡量少出唻活動呢
不過用木糠既話都要留意,買d貴d既木糠,冇咁碎又冇咁多雜質,買左都要揀過晒先俾鼠鼠用,有D木糠都會有好尖既木,仲要唔好買有色有味既木糠,一來加埋鼠鼠既味會好臭,二來好易令鼠鼠敏感,敏感係可以致命既

B.唔知而家你係咪仲係一籠兩鼠?
尾部有外傷,可以留意一下有冇以下既問題:
1)留意會唔會係A項講既紙砂問題
2)如果係有第隻鼠一齊,可能係打交
3)鼠鼠身體及排泄物有冇其他異常?尾部近排泄位置,比較多細菌,易有皮膚病既問題,而如果有肚瀉or便秘之類就更易令鼠鼠下身多菌
鼠鼠唔舒服既時候,鼠鼠都會自己去攪,咁就有機會抓傷自己,咁一定要處理左原有既問題先
4)檢查下個籠有冇d咩整親鼠鼠,有問題一定要盡快處理

C.受傷既處理方法如下:
1)有流血既話,用藥用棉花咁住傷口,再用鼠專用既外傷藥同佢搽,小心唔好整到眼耳口鼻
2)同其他鼠分籠,因為鼠鼠係獨居動物,好易出現打交情況,如果受左傷仲勉強佢地一齊,會令情況更嚴重,而且有第隻鼠一齊易有細菌感染
3)如果同一籠有第隻鼠,冇受傷既鼠,都必須要仔細檢查一下真係有冇受傷
4)鼠鼠受驚啦,受驚好易會有其他毛病,同時要keep住檢查佢地既身體同排泄物有冇其他異常
5)保持個籠乾爽清潔,避免細菌感染
6)鼠鼠唔舒服需要多休息,而且特別易怕人,所以除左檢查同治療外,唔好打擾鼠鼠,俾鼠鼠多d休息同冷靜
7)如果流血既情況嚴重, 其實都幾難止血,因為鼠鼠本身會爪會咬,如果都係止唔到既,俾佢試下自己處唔處理到.都係唔得既都幾危險,鼠鼠咁細隻,如果不斷流血,好快就會失血過多,盡快帶佢睇醫生啦.
8)睇醫生既話可以考慮一下:
大圍珍禽異獸及寵物醫院 DR.TIGER/DR.LAM
地址:大圍積信街75號地下
Tel: 2687 1030
http://www.taiwaiexotic.com/
基本診金$290,藥及手術另計

平d可以睇愛護動物協會,但嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

另多謝small_sir話我有經驗,不過上次small sir讚完我至今,一大堆人跟足我半個月咁去攻擊我,所以我諗small sir既讚賞我受唔起了,只希望small sir你唔好再做一d錯既鼠知識出唻,咁真係會害到人地既鼠,謝謝

2008-11-26 01:21:52 補充：
to:small sir
剛去左http://hk.geocities.com/small_sir/hamknow.html,發現有抄襲我既內容,希望small sir盡快del所有我回答既資料,我在知識＋既回答,所有都係自己既原創資料,請勿參考轉載,謝!

信天主既話,都希望你可以明白,攻擊人係唔好既事,有咁多時間去跟住我唻攻擊,不如花多d時間去照顧好你既鼠鼠,不斷繁殖鼠鼠,會好傷鼠鼠既身體

2008-11-26 01:22:38 補充：
to:發問者
唔好意思,借用左你既地方講第d野,抱歉!

2008-11-26 01:38:05 補充：
順帶一提,鼠鼠唔舒服,身體比較易會凍,記得好好為鼠鼠保暖,凍天要留意既事可參考以下我回答既知識:
http://hk.knowledge.yahoo.com/question?qid=7008100902392

2008-11-27 00:07:26 補充：
紙巾係用唻做墊才定係點既呢?如果一定要放紙巾,都要放廚房用,一大片既紙,其他既紙巾易有粉末,較易令鼠鼠過敏

首先要留意返會唔會之前講既外傷,而所講既紅點係凸起定係好似人損左一點紅咁呢?有冇腫?怕佢皮膚病,腫瘤or瘡之類,如果係佢自己覺唔舒服而整傷,都有機會咬傷甚至咬斷自己條尾
都可以睇下會唔會有用品or食物甩色,又或係有下體出血or血尿整到佢紅左

之前講既藥用棉花係人既,只係用唻止一止血用,你掂時都冇血就唔需要,但要留意,唔好就咁用手攪佢,手都好多菌既

外傷藥一般鼠店度都應該有,, 約$60一支,但一定要攪清楚咩事先好用

2008-11-28 00:29:12 補充：
用廁紙有我之前講既問題,而且並唔會好保暖,同鼠鼠保暖既方法可以睇返之前補充既網頁
如果真係損左咁,就一定要小心睇返個籠有冇d咩會整到佢,平日放鼠出籠既地方又會唔會有危險?佢自己又會唔會咬自己之類
而懷孕條尾係唔會損既,同埋佢自己住係唔會懷孕

2008-11-28 00:35:07 補充：
to:small sir
唔想花時間去講我點睇到閣下係攻擊我既其中一人,理由的確係我花時間搵出唻
而閣下既網頁雖然今日係將我既鼠相移走左(因為我將鼠相換成叫你唔好抄既文字而移?),但文字仍然存在,你咁都可以當冇抄過,實感無奈,希望你可以盡快移走抄襲我既資料,email我就唔會同你接觸,上次下載完你既野馬上死機,再下載又死,最近我冇時間去洗機,唔想自找麻煩

2008-11-28 00:35:24 補充：
to:small sir
你網頁抄襲我既証明:http://i176.photobucket.com/albums/w162/kelvin320/081128.jpg
我既回答:http://hk.knowledge.yahoo.com/question/article?qid=6908111000840

另想你明白,人地辛苦做網頁出唻唔係為左俾你抄,希望你都會尊重其他人既版權

我建議你同小銀狐去獸醫度睇一睇好ｄ

可能佢就生bb,
我隻倉鼠尾巴度都有紅色既物體,
冇咩doctor help到你,
因為佢地too small.

雖然我不是杰......沒有他那麼有經驗，但我諗我也能幫你解決問題...

1. 鼠鼠的尾巴留血，可能是有些東西傷到佢，又或者係排泄的問題而留在尾巴之上(因為尾巴在排泄的地方旁)

2. 你應該再觀察多點鼠鼠，看看還有沒有這樣的情況發生。

3. 應留意鼠鼠的血多不多，於果留血留得太多，你就要帶鼠鼠去睇醫生。

4. 如你有其它鼠鼠跟你隻小銀狐住係一齊，應該多加留意鼠鼠們有沒有打架。

5. 其實仲有一個可能性，可能鼠鼠有皮膚問題，不過這個可能性比較小，因為如果鼠鼠真的有皮膚問題，相信就不會只是尾巴那麼小了。

如果這裏的答案不能滿足你，那唯有等杰答你了。希望本人的答案能夠幫到你吧!!願天主祝福你的鼠鼠~

2008-11-27 20:10:46 補充：
杰.............你唔可以咁樣話我。
我幾時有攻擊過你??你一直是我羨慕的人，我咁想讚你並不是要諷刺你，我是出自真心的!!!請您不要再以為我是攻擊你。

令外，我網站所有之內容，並無抄過杰你所有在yahoo知識中答過的野半個字。對!!我認本站內容不是由本人原創。但我敢對天發誓冇抄過您半個字。我只是在其它網站或論壇搜集資料結合而成，不過最大的鳴謝，在本人網站有講，相信我並沒有抄襲你。

我答發問者問題，完全出自真心，並不謀害之想法。

如果杰您在我回答的這篇文章有何不滿意或問題，歡迎到[email protected]跟我聊，希望不會再有其它的誤會。

我建議你同小銀狐去獸醫度睇一睇好ｄ

Your little fox may have some problems on its health. It may have slight internal bleeding inside one of the organs. Since I am not so sure, it's better to take it to see a vet as soon as possible. Hope it can help you. :)