中六選科分別有咩出路??

你現在選修中文、英文、數學、宗教、
商業、經濟及會計學原理科，
這是商科，一般商科生只要在會考及高考考取一定成績，
即能入讀大部份學系，除了數理科、工程學系或部份文學系。
若只能中學畢業，修讀商科的一般可以擔當文員、會計文員，
亦有售貨員等職業。
而大學畢業的話，則視乎畢業學系，
一般可從事金融、會計行業、股票、房地產、旅遊、酒店等，
亦有部份可從事教育、出版等，十分廣泛。

一般商科生在預科只能修讀文或商科，
而數理科（即純數、應數、物理、生物、化學）則與你無緣，
而大部份學校亦不會同時提供純數、應數及
經濟、會計予同一位學生修讀。
取而代之，若你對數學有相當的興趣，
可考慮修讀高補程度的「數學與統計學」，
內容較淺易，適合文商科學生修讀。
其實一般預科生也會修讀兩科高級程度及一科高補程度，
或三科高級程度的科目，
所以你應該可以同時修讀經濟學及會計學原理科。

修讀應用數學及純數學可以附合入讀大學工程系的條件，
可從事建築工程等行業，
然而你沒有資格修讀上述兩科數學，
故你可以考慮修讀「數學與統計學」科，
但修讀這科一般也不會符合大學工程系的條件，
但對修讀大學的金融學系會有幫助。
而經濟學、會計學原理科對大學入學沒有特別的幫助，
但可鞏固你對該兩學科的知識，
修讀預科程度「會計學原理」亦有助報考LCC&I等會計專業試，
有助於從事會計行業，考取專業資格。
一般新入職文員或會計文員可以有月薪六千至八千元，
大學程度的會計師則可望有萬多元。

如果你中四中五讀文商, 中六好多學校唔會比你修AMa(應用數學)及PMa(純粹數學), 因為兩科都係理科科目, 多數學校會要求選修這一/兩科的學生要會考附加數學合格. 所以我建議你重新考慮下選科組合, 但文商生可以修Maths & stat, 不過要留意有些學校規定學生會考數學要有C或以上先准選修.
會考修以上七科其實大把選擇, 只係理科、工科及小部分文科唔可以揀. 你可以揀工商管理、法律、語文、地理及資源管理(浸大除外)、歐研、中研、日研、歷史(浸大除外)、中醫(浸大除外)、新聞及傳播/傳理、設計、物理治療、紡織及製衣、哲學、文化研究、音樂(浸大要求你有相關音樂試級數)、社會學、社工、政治、社會科學、教育... 至於出路及職業, 你可以到http://www.jupas.edu.hk/瀏覽.
工資呢樣野真係好難講, 視乎你畢業後經濟情況及個人質素. 如果無乜金融危機. 但畢業後遇著金融危機, 減薪裁員甚至唔請人係無可避免. 個人質素方面, 大公司請人唔會只係睇你邊間U畢業, 佢地會要求你有好好兩文三語、分析能力、解難能力及學習能力等, 你不妨去下MTR網站睇下佢地請Trainee有乜要求.
選科唔建議太過以功利主義掛帥. 如忽略自己興趣、個人發展及未來前途去選科, 將來你可能會讀得好唔開心同辛苦, 碰上挫折時更容易失去動力, 在競賽過程中亦欠缺提升自己的方向和滿足感, 甚至會影響學業成績. 而且讀某系唔代表畢業後一定賺大錢, 除非你讀醫、藥劑及Global business. BBA有人一年賺三萬幾, 有人一個月得幾千.

2008-11-25 14:52:00 補充：
更正: BBA有人一年賺三萬幾>BBA有人一個月賺三萬幾