強姦要有什麼証據

強姦罪 (刑事罪行條例 - SECT 118) 嘅定義係:
任何男子 -
(a) 與一名女子非法性交, 而性交時該女子對此並不同意; 及
(b) 當時他知道該女子並不同意性交, 或罔顧該女子是否對此同意, 即屬強姦.
簡單嚟講, 只要証明:
(1)該男子有同個女嘅性交
(2)個女仔唔同意或該男子唔理個女仔同唔同意就可入罪.
講就簡單, 除非係三唔識七喺電梯口俾人拉入去後樓梯強姦咁直接明顯, 否則強姦反而係刑事案中最難打嘅.
要証明雙方有無性交比較容易. 法醫做得到. 要証明個女仔同唔同意就難好多. 就算男女雙方曾經性交100次, 如果在第101次個女嘅唔願意, 都屬強姦. 就算雙方已經性交緊, 如果個女仔突然叫停而個男嘅唔停, 都係強姦. 強姦案通常無証人, 只憑男女雙方各執一詞. 入唔入到罪, 就要睇陪審團信邊個.
如果已過半年, 可入罪的機會當然細好多. 最基本嚟計, 有兩個問題:
(1) 隔咗咁耐, 已經唔可以由法醫官証明雙方有無性交. 個女嘅話有, 個男嘅話無, 就要睇陪審團信邊個.
(2) 全世界人第一時間會問, 如果佢真係咁衰強姦咗個女仔, 點解個女仔唔第一時間報警, 而要隔咁耐先報警呢? 個女仔話當時好亂, 唔知點做, 又或怕醜. 唔想俾家人知, 都唔會亂半年, 怕醜半年忽然唔怕, 又或隱瞞家人半年忽然唔使忍瞞嘛!
香港法律精神係 "疑點利益歸被告", 即係寧縱勿枉, 所以未必會入到罪.
______________________
以上答案係我以專業知識答你問題. 打官司無話實贏實輸. 但如果有罪案發生過就一定要報警.

2008-11-25 21:30:38 補充：
1. 都話只要証明2點:

(a)該男子有同個女嘅性交

(b)個女仔性交時係唔同意嘅或該男子唔理個女仔同唔同意

就可入罪.

2008-11-25 21:37:20 補充：
2. 都話要証明有無性交:
a. 由法醫對女方進行檢驗. 除咗強姦時有用暴力令個女仔下體受傷 (容易驗到), 否則檢驗要在1-2日內做, 耐咗好難驗到.
b. 除此以外無方法確認有無性交. 口同鼻拗, 睇陪審團信邊個

2008-11-25 21:38:01 補充：
3. 同上

2008-11-25 21:45:15 補充：
4. 打強姦案, 辨方通常一係話兩人根本無性交過. 一係就話女方同意. 採取邊個辨護方案, 主要睇有無証據証明兩人曾性交過 - 例如用過嘅避孕套, 或染有精液嘅衣物. 如果有咁嘅証據, 辨方大律師就會採取 "承認有性交但女方同意" 方案辨護. 如果無性交証據, 就會話根本無性交過.

2008-11-25 21:48:53 補充：
我咁用心答你, 希望你唔好睇完答案就移除問題 (好多 "匿名" 發問者都係咁, 嘥哂我心機).

2008-11-26 20:01:58 補充：
強姦當然係一項非常嚴重的指控. 所以警方會向雙方套取口供. 口供經律政司睇過有無足夠証據先決定是落案檢控. 個女仔自己嘅口供都係証據一部份. 你要知道, 強姦唔同殺人搶嘢, 有條屍或有贜物. 所以隔咁耐法醫驗唔到, 唔代表一定無性交過. 如果個女仔喺口供上堅持話有, 都係証據嘅一部份. 係唔係真實, 就要睇辨方有無本事揾到佢口供中嘅疑點.

2008-11-26 20:05:50 補充：
事實上, 差人同律政司亦會好小心處理女仔嘅口供. 如果係作嘅, 一早己經講到嗚哩刀, 亦唔會上到高院. 我都話過, d 差人第一時間會問, 點解個女仔唔第一時間報警, 而要隔咁耐先報警呢?

2008-11-26 20:10:31 補充：
『睇下信邊個』當然只係一個簡單講法. 在無法醫証明有性交過, 而個女仔死口話有, 咁就只有睇吓控方嘅論點同辨方有無本事揾到佢口供中嘅疑點. 咁重唔係『睇下信邊個』?

2008-11-26 20:19:46 補充：
根本高院審案就係『睇下陪審團信邊個』啦! 但當然, 陪審團係會根據控辨雙方嘅証據嚟『睇下信邊個』!