親人離世的問題.請給我一點意見.

先同你講少少我自己的經驗, 至愛的弟弟在20年前去世, 我在他去世前一個人在外地照顧了他差不多兩年, 其間困難重重, 在他去世後又獨力善後同辦埋一切手續. 之後有一段時間傷痛令我很辛苦, 同你所講的情况如出一轍, 唔好話同朋友傾起, 甚至行街睇見我細佬以前鍾意嘅事物我都好難過.

老實說至親去世的傷痛同映响是冇可能忘起的, 但隨着時間的過去傷痛會慢慢减輕. 我諗有D人復完後<疤痕>會唔明顯, 有D人個<疤痕>會凹凸不平, 在這事件上我冇選擇去迴避, 因為唔講唔提唔想等刻意的壓抑未必是好事. 唔係叫你成日將件事掛喺口邊, 但適當地揾好朋友或者家人傾吓, 等自己的壓抑有個舒泄的渠道係令傷口復原的一個好方法. 我唔係心理專家, 唔識點同你分析, 我只係同你分享自己的經驗, 老實講, 到而家我都重好掛住細佬, 有時想起佢重會喊(現正流眼淚), 雖然我因佢永遠離開我而好難過, 但更多時候係為我可以係佢家姐而高興, 我會記住同佢一齊開心同唔開心嘅日子, 讓佢永遠存活在我心中, 但我亦都會好好地生活落去, 因為相信佢在天之靈都想我活得開心. 唔好怕想起離去的親人, 但亦唔好被傷痛佔據你嘅生活, 揾好朋友或家人傾吓, 振作吧, there will be light at the end of tunnel, 但你要向住出口行至有可能重見光明!

我嘅經驗和處理方法幾有效, 唔知可唔可以幫到你, 即管俾你參考下 !我在親人離去後, 每日都會把生活的片段或鎖碎事又或者家人之間發生任何問題, 都會用筆寫低落黎向死者告訴, 跟住係清明或重陽拜祭時一併燒埋俾佢, 我發覺會慢慢減低思念, 到後來我已經放下了!

你沒有處理個傷口，只是等時間過，以為不提不講不想就會過的，事實是傷口的痛潛了入潛意識裡，你將痛壓抑了。
要將這個痛釋放出來。否則影響健康。
首先來個認知，反應只是反應，讓你的反應出來，接受心的難受，注意自己的思緒，思緒若令心太難受了，就停，否則讓難受在那裡，你來安慰那個難受的心。
你若不能做，就找一個人來聽，但這個人要識聆聽，聆聽是最大的支持。如果沒有這樣的朋友，你可以找社工，或者寫blog。
人有生必然會有死的，擔心不如當下用心享受親人在世時的樂趣。人呢，很難說誰走先的，或許不知下一個是誰掉下你，但或許也會是你掉下他們，大家都不知道的。既然不知道，大家在世時就互相多表示關心。
佛家認為親朋好友因緣在這一生相聚，下一生仍會相聚的。
所以對今生的有緣人，不用執著，執著只會帶來當下的痛苦，對人對事無所益處。
接受痛苦才能解除痛苦。

唔...不如我們這樣開始...

生離和死別, 如果要你選擇一個少點痛楚的, 你會選那一個?
生離? 對了! 因為死別不會有重逢的冀望...

再來選一次...
睡覺和生離, 如果要你選擇一個少點痛楚的, 你會選那一個?
睡覺? 對了! 因為生離不知何時有重逢的希望...

最後選多一次...
玩耍和睡覺, 如果要你選擇一個少點痛楚的, 你會選那一個?
玩耍? 對了! 因為睡覺不知何時有睡醒的盼望...

親人在世尤如一班人在客廳玩耍, 唱K, 麻將, 吃飯, 多麼開心, 歡樂無限...
可是有時有人玩累了, 要離開一會入房睡覺 , 客廳少了一兩個人, 頓時靜了一些, 有點冷清的感覺...
也許有人覺得玩夜了, 要離開回家了, 下次再約再玩, 客廳又少了一些人, 更顯寂靜...

一家人就是這樣, 有緣份的, 玩得耐一點, 無緣份的, 很快散場...
不過剩下來仍然在客廳的人怎麼辦? 就要負責收拾殘局, 收拾心情...

你退一步想, 若親人離世是入房睡覺, 他日你也累了, 也會入房睡覺, 可能有重逢的機會(看你的宗教有無死後生命)...

你再退一步想, 親人離世是各自歸家, 既然不知有無重逢的機會, 所以要做足離別的手續, 確保沒有遺留物件, 走得安心...

你仍然活著, 對入房睡覺的人, 對已經離別的人, 你肯做放手的準備嗎?
還是時時入房檢查睡覺的有無蓋好被? 叫醒他問他冷不冷?
抑或時時高聲呼叫剛剛離去的人:"你可是走得安心?"

我的比喻是想提醒你, 今日珍惜眼前人, 明日思念情無憾...
讓逝去的逝去吧, 你更要活得開心, 這才是離別者的心意...

人的死是天安排是命運
擔心甘多亦冇意思
不如先做好自己的工作
同過好每一日重好
過去的由他過去
這樣下去
你只會令你身邊的人擔心你

記住更不要令死去的人擔心你

你有反工嗎?可於放工去做義工,搵人傾吓會好得多,千萬不要不想她們,她們只是在天上看我們,你如何生活好她們是見到的,請開心快樂地生活!
間時可去社區中心做義工,做義工係互助的幫到人亦幫到自己,何樂而不為?
而且切勿想下一個是誰,請想一想現在擁有的,可以珍惜的,不能改變的事又何必去想呢?

希望可在義工中心見到你!

你可以搵下一ｄ心理ｅ生或社工尋求協助，每個人都會面對生離死別，人生不如意是十常８九，所以唔好咁擔心