如果咁樣下載, 會唔會犯法?

真係好視乎你犯法既定義
我估你一定指刑事責任，但包不包括民事責任？
上載先會有刑事責任
下載會有民事責任，即版權擁有人可以入稟索償

假設我係一個網頁(例如百度, 迅雷等等)下載歌曲去自己部電腦, 然後由電腦整去mp3機度, 但係唔send俾其他人, 咁我算唔算犯法?
會有民事責任，下載屬非法下載

下載完分發出去先犯法, 自用唔犯法, 唔知係唔係呢?
下載完分發出去同上載無分別，因為都係分發該作品的侵犯版權複製品，根據版權條例118條屬刑事罪行
下載自用會有民事責任，即版權擁有人可以入稟索償

如果俾海關/警察check到你非法下載, 咁會採取咩行動呢?
唔會有法律行動，因為唔係刑事
但係可能會警告你，並向版權擁有人提供資料

係搜狗下載犯唔犯法呀?係迅雷下載犯唔犯法呀?
會有民事責任
但搜狗迅雷本身並不犯法
只係如果你用搜狗迅雷，未獲版權擁有人的特許而複製下載版權作品，先會有民事責任
如果你獲版權擁有人的特許，用搜狗迅雷複製版權作品，並不會有民事責任