很多很多關於健身的問題

好長的一個問題呢，得罪 d 個句：我睇完你的問題覺得你好急進，亦將增肌諗得太簡單了，不過即管試試解答吧......健身目的: 1)以肌肉增大形式來達之增磅的效果，雖然唔知依句野有無問題，增至180磅。(十分重視肌肉線條)你目前體重為 145 磅，兩年內要增加肌肉 35 磅，絕對不可能，甚至用埋藥都絕對不可能！一般練健身的人士，平均一個月增肌一磅，已經很不錯了，換句話說，你的目標招快要三年，而且假設你先天條件好，各方面都配合得到至可以。再看你的ｂｍｉ同身高，好明顯係修長纖瘦型的，所以要再加長時間，即係４－５年。健身同增肌，都係好長遠的事，唔好幻想可以快。彈跳力(亦十分重視) 健身對彈跳力無特別幫助的，雖然健身也能夠強化腿部/臀部力量，但相反個人重了會變鈍，整體打個和。

魚與熊掌不可兼得，有 d 野要自己取捨。健身時間: 二，四，六以初學者來講，一星期練三天 (隔天練) 係非常恰當；不過當你打好基礎後就嫌唔夠了（尤其你的目標甚高），不過你唔好心急，先跟目前的時間表做吧，過得半年至徵詢教練是否增加次數。我主要想靠雞蛋同此藥丸( http://www.herbsmd.com/detail/amino-surge-1606.htm )作protein的主要來源。任可丸裝的 amino fuel，包括呢種丸，其氨基酸含量都係好低的，根本不足以提供健身人士日常蛋白質需要。練健身的人士，除了正餐要食大量肉類，亦往往會飲健身奶粉的，其蛋白質含量遠高於這些丸所能夠提供的。通常這類丸是專業健身人士才食，而且他們主要都係食肉/蛋/健身奶粉為主，這類丸只係當輔助，(因為他們要太多蛋白質，但又唔方便成日食野或帶埋好多奶粉，所以作為飲唔到奶粉時的替代)。所以我唔建議你食呢隻丸 (或任何其他丸)，應該食肉，蛋，奶和健身奶粉。1)我每一天進食這藥丸三粒，那麼我每天還要給取多少隻 蛋白來達致我想要的效果?唔係計你食幾多蛋/幾多粒丸，而係計算整體蛋白質攝取量，以勤力的健身人士來講，應該係每磅體重每天食１ｇ蛋白質，你現在是１４５lb，就係每天 145g 蛋白質了。2)半生熟的蛋白和全熟的蛋白那個比較好?全熟的蛋白最好。因為腸胃對生/半生縮的蛋吸收力無咁好的。3)一日多餐或是一日三餐?要增肌，就要食多幾餐，每餐唔一定要食好多 (當然，食得都多點就最好)，但係要攤多幾餐食，例如正餐以外再加下午茶同宵夜。4)在健身前或後的那個時段進食最理想?運動後一小時之內吸收力強，係攝取營養的黃金時機，況且運動後立即補充營養有助身體復原。而運動前一小時不宜食飽，不過食小小野是沒問題的。最適合我的整個健身流程是?呢 d 野一定要請教教練或資深的健身人士，而且係親身見過你，知道你的體能等等，至可以幫你制訂的。如何有效解決健身後帶來的肌肉疼痛?　－　休息：每天最少睡眠８小時；　－　營養：運動後立即補充碳水化合物和蛋白質；　－　cool down：運動後做 cool down，例如伸展運動；　－　熱水浴／按摩：幫助血液循環。如何有效解決健身後帶來的疲勞?同上，不贅。4)以我想達到的效果而言，最適合我的練法是什麼?(多組訓練法，金字塔訓練法等等，請詳解。)同上，要由教練親自評估你的情況再幫你定；不過你只係初學者，暫時最重要要掌握基本概念和學識基礎功，根本唔需要諗咁多住，別要＜未學行使學走＞。5)康文署的健身教練何時會出現?你去 join 他們的課程就得了，每次課程都有教練駐場的。都係個句：先去上堂，學識基本功先，教練講你要聽，唔好咁快諗其他野。健身會否令皮膚變差? 沒有關係的。不過如果你食健身奶粉的話會熱氣，容易生暗瘡。我在另一條問題曾經分享過自己的增肌/增重心得 (我係天生修長纖瘦，透過做運動改善的)，有興趣可以去看看：http://hk.knowledge.yahoo.com/question/question?qid=7008101900918




2008-11-23 11:45:39 補充：
漏了一點：<健身地點: 康文署健身室或家中>

要健身練大隻就一定係做 gym (包括了康文署健身室)；在家的話，極其量只係 keep 下，有點點線條而已。

2008-11-23 11:57:56 補充：
有關健身奶粉的問題，可參考以下問題 (後半段)：
http://hk.knowledge.yahoo.com/question/question?qid=7008112000535