✔ 最佳答案
九巴 72X 或 75X 都得。
兩條線都係大埔中心巴士總站上車。
72X 在九龍塘聯合道落車 (過隧道之後第一個
站)。然後向車尾方向行,去舊翼就橫過聯合道,
一路上斜,在側門搭電梯上浸大。去新翼就
轉上聯合道,一直行就會見到。
75X 在樂富富強苑落車。落車後過隧道去對面
馬路,落斜。行前少少就到浸大新翼。舊翼的話
就再行前幾步再過對面馬路,右轉入金城道即到。
兩條線收費都係 $8.8。72X 約需 30 分鐘,
75X 約需 40 分鐘。
早上繁忙時間建議搭 75X,因為獅子山隧道同
窩打老道都比較容易塞車。雖然大老山隧道都
會塞,但相對之下會比較易預計。
非繁忙時間就搭 72X 較好。
另外如果你係學生的話,可以考慮在八號花園
搭 K12 往大埔墟火車站轉東鐵,又或者步行去
太和火車站轉東鐵都得。九龍塘落車,經南面
的新大堂行過原本地鐵果面的大堂。A2 出口出
站。
然後行出窩打老道,左轉上斜,之後就用返
上面搭 72X 果個方法行過去。
港鐵太和 / 大埔墟往九龍塘,學生車費 $3.6。
(成人八達通 $7.1)