練大隻會否高唔到??

而且身高主要是天生的，不能夠強求，既來之則安之吧，如果你父母不高的話，那麼你也不會很高了，而且 16 歲大致上接近增高期尾聲，雖然仍會長高，但不會很大幅度了。不過你都有成 170cm，唔算矮啦，計算 BMI 的話你係 21，亦屬健康標準之內，你可以俾多點信心自己。當然，多做運動，食多 d 有營養的食物，對身體的整體發育及健康有好大幫助，所以亦＜有可能＞幫助增高，但係並非必然的。其實，任何運動在發育期做得過量都會妨害增高的。不過係好過量好激烈至會有這種影響，所謂過量運動，係講緊連續好幾年，每日都練十幾個鐘頭個 d 專業運動員啊，咁就會影響他們長高。普通人，做下運動舉下啞鈴，要練到那種程度幾乎是不可能的，就算你想練都咁劇烈都極度困難！要你連續打幾年 PS3/NDS，每日打十幾個鐘頭就或者還容易點吧？至於練大隻，一般來講 16 歲就可以開始做負重訓練了去增肌，對你增高亦無影響的，你亦可以放心。

你係學生吧？最好去康文處轄下的 gym，又經濟又有教練，又唔會斂財或以不良手法經營，絕對係最解選擇。千歧唔好自己響屋企舉啞鈴，因為做負重訓練好講求正確姿態，做得不對的話唔單止無效，重會受傷添! 一定要搵教練或資深的健身人士親身指導和執靚你個動作。
另一方面，16 歲仍未完全發育的，增肌之餘亦要多做帶氧運動，增強心肺功能給強化骨骼，不但對發欲有益，對健身亦有好大幫助的。我在另一條問題曾經分享過自己的增肌/增重心得 (我係天生修長纖瘦，透過做運動改善的)，有興趣可以去看看：http://hk.knowledge.yahoo.com/question/question?qid=7008101900918