我覺得好唔開心....

事緣係咁....我係一間女校讀,我識左一個朋友
由中一到中四既上學期,我地兩個一直都好好感情
而且成績都唔係話差得太遠(中一至中二)
但係唔知點解,由中四下學期開始
我地就變得好生疏....事實上,我覺得佢變左好多
佢係中一個陣時係一個好乖既女仔
但係唔知幾時開始(應該係中三)佢開始識網友
依個唔係問題,但係佢竟然約人出來見面啦
又講粗口 到左而家佢仲學人食煙飲酒!
我知道我同佢其實係兩個世界既人
而且當我見到佢化哂妝 好唔正經既樣個陣
我真係會好討厭
我覺得佢已經唔係我以前既個位朋友
佢唔單止做野冇理我感受
而且仲要做一d明知我會唔鍾意既野e.g.唔做功課,嫌三嫌四(佢仲要大我成件半,我都未出聲佢就係度埋怨依樣埋怨個樣)
我有時候都會好自責
到底係未我依個做佢朋友既,當佢步入歧途個陣冇及時將佢拉番轉頭,到底係唔係我既錯?
有時候我一諗到佢變成咁
我一方面會好討厭 唔想同佢講野
但係另一方面我又唔會一段咁耐既友誼就咁冇左
我好努力嘗試修補我同佢既關係
但係我發覺真係好難
一來我自己克服唔到我自己,我會覺得:點解我會有一個食煙飲酒既朋友?
二來,咁做只會令大家覺得好勉強同尷尬
我真係覺得好唔開心
我覺得冇人關心我
冇人了解我而家既心情有幾咁複雜同埋難過
我自問我係一個頗理性既人
但係我開始發覺我實在唔可以再理性落去!
我好怕我會鑽牛角尖
所以我好想大家幫下我!