女追男是否一定隔重沙!!

我想話你知，女追男絕對唔係隔重紗咁容易！
雖然今時今日成日都話男女平等，但係事實上好多男仔都未必接受到有女仔追自己，除非個女仔絕等No.1，個個男仔都追唔到，反而倒轉追你，咁就例外！所以絕大部份男仔都鍾意追自己鍾意嘅女仔！
其實你自己都好清晰，個男仔會咁樣拒絕你（我唔知個地步係去到邊），都係唔想你有任何誤會，以為仲會有任何可能，其實都未嘗唔係好事，起碼佢無拖泥帶水，拒絕你又留返ｄ以為俾你，等你傻傻地等！
最後我都想講一句，女仔就算點鍾意個男仔，都唔好主動表白，你話我老套都係咁話，最盡都係俾ｄ暗示同機會男仔，一定唔可以先開口話鍾意人，先表白唔係代表你爽朗坦白，只會俾人覺得你隨便同冇內涵，所以留返份矜持都係矜貴ｄ嘅，明未？！

睇下果個男仔點諗啦,有d就算果個女仔唔係佢心水既,佢都會keep住先,攪d曖昧關係,但又唔認人地係女朋友,但實情出面有好多個呢d friend.老實d既,唔鍾意就會直情拒絕,因為唔想人地有希望又失望,拒絕得的話,因為覺得以後都唔會選擇呢個女仔,所以先咁做.
我個人認為,呢個世界男女平等,唔一定要男追女,只係爭取到機會,女都可以追番男,當然要識d手段啦,唔通明知個男仔對自己都無意思,仲去爭取咩,盞自己傷心(不是說發問者),只係話做任何事前只要盡力去做,對得住自己,就算出黎效果唔係自己想既,都問心無愧呀.傷心好快會過去既,因為呢個人根本無同你開始過,有幾多回憶呀,到你遇到個真心鍾意你既人時,你就會覺得當初好傻.係佢唔當你係寶o者.

其實可以有好多因素O既

須然好色是男人的天性

可能男方已心有所屬
可能係你不是佢的一杯茶, 一定不是心目中的一TYPE
請不要介意, 又或者
你可能樣貌及身材都不大good, 所以他考慮也不考慮

anyway, 戀愛是雙方面的事，
既然佢對你沒有意思
你亦不要再花時間在他身上，
明白過程係難做到，但你須要克服,
努力俾機會自己吧。去識其他人
只是佢不懂欣賞你，佢唔識貨jei

若仲可以做到朋友, 就照常啦
但係做唔成你都不要怕, 對住佢仲要擺個我沒野吖的款呀！
唔好衰俾佢睇

男人有時好主觀
往往會以貌取人，即使你性格不是他的一type,
但只要你有柏芝、嘉欣的美貌、舒淇身材
反而佢想主動認識你啦
到時再慢慢了解對方都未遲

我覺得要男人直接拒絕既, 除非個女人條件好差,
樣子身才性格都好唔要得,
即係男人口中既豬扒!
佢地會直接拒絕!
但如果個女人表面同人品都ok既,
只係男人覺得唔係自己style,
即係唔岩feel既,
佢地唔會不了了之, 唔會比任何答案,
為自己留有餘地,
唔難保女人表白後,
有一天突然有起feel黎!
到時都可以兜番!
而且留住對方當多個朋友,
何樂而不為!

女追男，隔重「紗」