同父母關係好差, 可以點做?

我由細到大都同及母無兩句,
因為阿媽要返工,阿爸之前係外地做野,好少理我,
加上我性格內向, 唔識表達自己,
所以我同佢地就算全日對住, 都講唔夠20句野......

有陣時我會特別講多d野, 諗住可以傾下計,
但係佢地好多時好冷淡, 最多應下"係咩?", "哦~~"......
(1)要無野揾野講己經好辛苦, 仲要比佢地當係透明咁,我可以點做?

同埋我覺得佢地偏心, 錫我兩個家姐多好多,
平時對住我目無表情,
因為我兩個家姐好少返去食飯,
佢地見到我家姐好開心, 有講有笑,
即使一齊食飯, 我覺得我好似撘檯,
好多時d野都只會有兩份, 無我份,
(2)我知我一直都無大家姐咁圓滑, 又無二家姐咁聽話, 所以我好比心機讀書, 成績一直都幾好, 但佢地都唔多理, 就算做野都唔罵我, 點先可以令佢地理我多d?

同埋最近要準備會考, 好大壓力, 同阿媽成日因小事嘈, 就算我唔出聲, 佢都要撩交嗌, 阿爸話我淨係識發脾氣, 我知我有錯, 但係無人撩我都唔嘈~~
(3)佢地全完唔了解我, 真係好唔開心, 可以點?

其實我阿媽係我家姐十幾歲,佢成36歲先生我,
好似又多左個負擔咁,
所以咁憎我?
如果佢咁憎我,
點解唔一早落左我?