點幫倉鼠沖涼???? 20點

唔同意第一位網友keelykwan既講法,希望網友唔好介意及可以留意一下:1)鼠鼠唔可以隔日就沖涼,沖太多反而會令抵抗力下降,更易有皮膚病,一星期一次,太熱時最多兩次
2)沖涼粉係唔可以放入籠,因為咁樣鼠鼠幾時想沖就會去沖,而你亦唔知同控制唔到鼠鼠幾時會去沖,咁樣鼠鼠就好易沖太多,有第1點既問題,而且如網友文中所言既,用過既既沖涼粉要掉,但放入籠鼠鼠成日去沖,咁又點可能用左就馬上掉?
3)文中提及藥性沖涼粉會有Captan有害,如果只係呢隻Captan的確係有害,但當Captan遇上土壤同氧氣,其實就會唔同,所以唔洗擔心,但當然,在鼠鼠冇皮膚病既時候,係唔需要用藥性皮膚病
4)唔係咁同意用香港腳粉加入沖涼粉唻醫鼠鼠既皮膚病,一來鼠既身體細過人咁多,用人既藥物始終覺得唔係咁好,二來,完全冇比例說明既情況下,可能睇到既網友會將香港腳粉落太多,混出唻藥力就會強得多

A.鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,如果只係沖涼時叫,睇唻真係覺得好驚
先要留意鼠鼠平日會唔會都有驚既問題?身體同排泄物會唔會有異常?會唔會有第隻鼠同佢一齊住?

如果只係因為你同鼠鼠未熟,新鼠,而你同鼠鼠熟之前,同鼠鼠沖涼,可試下以下既方法同鼠鼠沖涼:
1)用龜缸之類既野幫鼠鼠沖涼,將少少食物放入龜缸,將缸口對住鼠籠既門口
2)叫鼠鼠既名,都可用裝食物既袋發出聲音引起鼠鼠注意,等鼠鼠自己行入去
3)唔敢掂鼠鼠既時候,可整沖涼粉落鼠鼠身上,等鼠鼠自行整走D沖涼粉,因為不經接觸,所以要放多D,等鼠鼠底部都沖到,但要小心唔好倒左D粉鼠鼠既眼耳口鼻
4)沖完涼再將缸口對住籠既門,鼠鼠就會自己行返入去
5)另外,如果鼠鼠係驚既話,在許可既情況下,唔用手套去捉鼠鼠較好,唔係就易令鼠鼠受驚,受驚有機會誘發甩毛肚瀉等疾病;但如果係需要檢查身體之類,怕被咬則可用手套抱鼠

同鼠鼠沖涼,要留意以下幾點:
1)要用沖涼粉,唔可以用水,唔係好易令鼠鼠感冒既
2)買沖涼粉都要記得唔好買有香味既,有味會有機會令鼠鼠過敏,敏感嚴重係會致命
3)唔可以日日沖,一星期沖一次,天熱最多兩次,成日沖涼會令鼠鼠抵抗力下降
4)盡量避免沖涼粉整到鼠鼠既眼耳口鼻

B.到你同鼠鼠熟左,之後就可以用正常既沖涼方法:
1) 要將鼠鼠放去第個盆or籠度,我就用養龜仔之類既小缸同鼠鼠沖涼既.
2)將沖涼粉灑落鼠鼠身上,避免將粉整到落鼠鼠既眼耳口鼻.可以用手整少少粉鼠鼠既頭頂,再同佢掃下
如果佢郁唻郁去,你可以一隻手抱起鼠鼠,一隻手將粉整落鼠鼠身
3)用手掃下鼠鼠身上既沖涼粉or由得鼠鼠自己整走都ok.
4)再將鼠鼠整左落唻既粉整多2-3次落鼠鼠身上(用未用過既都可以)
5)沖完涼將鼠鼠身上既粉掃走,咁就可以放返鼠鼠入籠啦.

C.因為鼠鼠已經有叫,受驚易誘發疾病,所以都要檢查多D鼠鼠身體及排泄物有冇異常,除檢查外,就唔好打擾鼠鼠
如果係同鼠鼠未熟,除左要留意點沖涼之外,都可留意返點同鼠鼠建立關係

鼠鼠正常返冇叫時,再俾鼠鼠靜返兩日,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

2008-11-21 23:15:03 補充：
用沖涼粉沖涼,絕對係唔洗沖水,鼠鼠唔可以濕身,唔係既話好易會感冒

2008-12-01 03:05:50 補充：
雖然同問題冇關,但網友 cheungkawai1234補充中講既野唔同意,希望網友唔好介意及留意一下:
1)"在冬天時，應放些稻草作為供其取暖之用',其實用草會比較涼,夏天用都OK,但較易有虫,所以最好唔好用唻做整個籠既墊材
2)"每天可餵食以下食物一次....蘿蔔及甘藷一百公分",100公分即係100CM...平日食少少已經好易會有肚瀉既問題了
3)火腿之類人既食物,唔建議俾鼠鼠食,好易令鼠鼠生病,飲食要留意既事可參考以下我回答既知識:http://hk.knowledge.yahoo.com/question?qid=7008022103115

2008-12-01 03:05:55 補充：
4)凍都唔建議用毛巾蓋住籠,易令鼠鼠對日夜分唔清而生病,又或抓到毛巾既線而纏住爪,凍天要留意既事可參考以下我回答既知識:
http://hk.knowledge.yahoo.com/question?qid=7008100902392
5)乳酪糖係零食,食得多易過肥,好多疾病都由肥胖誘發出唻
6)經常同鼠鼠沖涼,反而會令鼠鼠抵抗力下降,易患皮膚病,一星期沖一次,真係太熱先可以最多兩次

回答 (2)